Qazaqstan qor bırjasy 15:30-daǵy jaǵdaı boıynsha dollardyń ortasha saralanǵan baǵamy 463,31 teńgeni qurap, birden 2,53 teńgege tómendegenin habarlady, dep jazady Egemen.kz.
Qytaı ıýaniniń ortasha ólshengen baǵamy da tómendep, 67,57 teńgeni (-0,12) qurady.
Keshegi saýda-sattyqta Reseı rýbliniń ortasha ólshengen baǵamy 6,48 teńgeni qurady.
Eýro boıynsha saýda-sattyq ótkizilgen joq. Ulttyq bank eýro baǵamyn 494,91 teńge, rýbldi - 6,53 teńge dep belgiledi.
Aıyrbastaý pýnktterinde dollardy 464-468 teńgeden, eýrony - 488-494 teńgeden, reseı rýblin - 6,2-6,5 teńgeden satyp alady/satady.
Sonymen qatar, 6 qańtardaǵy saýda-sattyq barysynda álemdik munaı baǵasy birshama ósti.
Máselen, Londondaǵy ICE Futures bırjasynda Naýryz aıyndaǵy Brent munaı fıýchersteriniń quny 1,03%-ǵa kóterilip, barreline 79,50 dollardy qurady.
NYMEX Nıý-Iork taýar bırjasynyń elektrondyq saýda-sattyǵynda WTI munaı fıýchersteriniń aqpan aıyndaǵy baǵasy 1,07%-ǵa ósip, barreline 74,46 dollarǵa jetti.