«Qazavtojol» Qazaqstandaǵy jabyq joldar ýchaskeleri týraly ózekti derektermen bólisti, dep habarlaıdy Egemen.kz.
«Qarly boran men kórinýdiń shektelýine baılanysty respýblıkalyq tasjoldardyń 10 ýchaskesinde kólik qozǵalysyna shekteý qoıyldy», dep habarlady «Qazavtojol» UK baspasóz qyzmetinen.
Aqmola oblysynda Jezqazǵan-Petropavl tasjolynyń 377-440 shaqyrymynda kóliktiń barlyq túrine shekteý engizildi.
Sondaı-aq «Kókshetaý-Atbasar» tasjolynyń 49-184 shaqyrymynda kólik qozǵalysy shektelgen.
Abaı aýdanynda «Omby-Maıqapshaǵaı» tasjolynyń 910-1002 shaqyrymynda, júk jáne qoǵamdyq kólik úshin «Omby-Maıqapshaǵaı» tasjolynyń 1002-1087 shaqyrymynda, «Almaty-О́skemen» tasjolynyń 971-1068 shaqyrymynda shekteýler engizildi.
Shyǵys Qazaqstan oblysynda «О́skemen-Shemonaıha» jáne «О́skemen-Rıdder» tasjolynda kóliktiń barlyq túrleri úshin shekteý engizildi.
Ulytaý oblysynda «Jezqazǵan-Petropavl» tasjolynyń Jezdi aýylynan Qostanaı oblysynyń shekarasyna deıingi bóliginde kóliktiń barlyq túrine shekteý engizildi.
Qostanaı oblysynda «Jezqazǵan-Petropavl» tasjolynyń eki ýchaskesi kólikterdiń barlyq túri úshin jabyldy. Arqalyq qalasynan Aqmola oblysynyń shekarasyna jáne Ulytaý oblysynyń shekarasynan Arqalyq qalasyna deıin jabyq.