Jýyrda Almaty energetıka jáne baılanys ýnıversıtetinde «Elektrotehnıkanyń teorııalyq negizderi», «Jylý tehnıkasynyń teorııalyq negizderi» jáne fızıka-matematıkalyq pánder boıynsha respýblıkalyq olımpıada jeńimpazdary marapattaldy.
«Samuryq-Energo» AQ qoldaýymen ótetin dástúrli olımpıadaǵa bıyl fızıka-matematıka pánderi boıynsha Almaty qalasy, Almaty oblysy jáne basqa da óńirlerden 32 mektep oqýshysy men 35 stýdent qatysty. Olımpıada qatysýshylaryna sát-sapar tilegen «Samuryq Energo» AQ kompanııasynyń ókilderi B.Nurahmanov jáne D.Aımuratov «Energetıka el ekonomıkasynyń mańyzdy salalarynyń biri. Bolashaǵyn energetıka salasymen baılanystyratyn stýdentter úshin ýnıversıtettiń olımpıadalyq baǵyttaǵy jobalary mańyzdy. Sondyqtan ustanǵan baǵyttan taımaý, sapaly bilim alý, oqýda belsendi bolý kerek», dep atap ótti.
Olımpıada qorytyndysyna sáıkes bas júldege «Elektr energetıkasy» jáne «Jylý energetıkasy» mamandyqtary boıynsha bakalavrıatta tegin oqý úshin arnaıy granttar jáne stıpendııalar berildi. «Jylý tehnıkasynyń teorııalyq negizderi» páni boıynsha 3-oryndy Nurkeldi Áýezhan, 4-oryndy Anna Chebotareva ıelense, «Elektrotehnıkanyń teorııalyq negizderi» páninen 1-oryndy Dáýkeev atyndaǵy AEjBÝ stýdenti D.Túıgimbaev, 2, 3-oryndy ál-Farabı atyndaǵy QazUÝ stýdentteri N.Jasbolat, A.Qoshmaǵanbetova enshiledi. Fızıka páninen 1-oryn Aqbet Ermuhametke, 2-oryn Bıdahmet Nurbekke, 3-oryn Gaýhar Amangeldige buıyrdy. Matematıka páninen 1-oryndy Erjan Abeev, 2-oryndy Amanjol Esbergen, 3-oryndy Adelıa Turǵambek ıelendi. Olımpıadaǵa qatysqan barlyq oqýshylar men stýdentterge sertıfıkat berildi.
ALMATY