Aqtaý mańynda janar-jaǵarmaı materıaldary bar sısterna jaryldy. Oqıǵa ornynda dene jaraqattaryn alǵan eki adam aýrýhanaǵa jetkizildi. Dárigerlerdiń aıtýynsha, olardyń jaǵdaıy óte aýyr, dep habarlaıdy Egemen.kz.
Tótenshe jaǵdaı 7 qańtarda Munaıly aýdanynyń Dáýlet aýylynda keshki saǵat toǵyzda boldy. Kólik kompanııalarynyń biriniń bazasynda janar-jaǵarmaı materıaldary bar sısterna jarylyp, órt boldy. Nátıjesinde eki adam túrli jaraqat aldy.
Keıin oblystyq kópsalaly aýrýhanadan habarlanǵandaı, jarylys ornynan 41 jáne 33 jastaǵy eki er adam medısınalyq mekemege jetkizildi. Qazir olar reanımasııada jatyr.