QR Konstıtýsııalyq Sotynyń 2023 jylǵy 5 qańtardaǵy normatıvtik qaýlysymen Konstıtýsııalyq Sottyń reglamenti bekitildi, dep habarlaıdy Egemen.kz.
Qujat Konstıtýsııalyq Sottyń ishki qyzmetin uıymdastyrý jáne onyń tártibi máselelerin retteıdi.
Máselen, Konstıtýsııalyq Sotqa ótinishter jazbasha nemese elektrondyq nysanda eki tilde (qazaq jáne orys) beriledi.
О́kildiń ókilettigi zańǵa sáıkes berilgen jáne resimdelgen senimhatta nemese zań konsýltanty jasasqan zań kómegin kórsetý týraly shartta ne tıisti memlekettik organdardyń, laýazymdy jáne ózge de adamdardyń tapsyrmasyn kýálandyratyn ózge de qujatta kórsetilýge tıis.
Azamattyń kelisimi notarıaldy kýálandyrylǵan senimhatta bildirilýi múmkin.
Advokattyń naqty isti júrgizýge ókilettigi «Advokattyq qyzmet jáne zań kómegi týraly» zańda kózdelgen advokat kýáligimen jáne qorǵaý týraly jazbasha habarlamamen rastalady.
Zań keńesshileri zań keńesshiler palatasyna músheligin rastaıtyn qujatty usynady.
Zańdy ókilder ózderiniń ókilettikterin kýálandyratyn qujattardy usynady.
Konstıtýsııalyq Sottyń otyrysyna buqaralyq aqparat quraldarynyń ókilderi men ózge de adamdar shaqyrylýy kózdeledi.
Bul rette otyrys zalynda fototúsirilim, beınejazba, tikeleı radıo jáne teletranslıasııa, ǵalamtordyń aqparattyq-kommýnıkasııalyq jelisinde beınetranslıasııaǵa tóraǵalyq etýshiniń ruqsatymen jol beriledi, bul týraly otyrys hattamasynda kórsetiledi.
Bul áreketter otyrystyń qalypty ótýine kedergi keltirmeýi tıis jáne konstıtýsııalyq is júrgizýdiń ýaqyty men kezeńderimen shektelýi múmkin.
Jabyq otyrystardy ótkizý jáne taratylýy shektelgen qyzmettik aqparatty nemese memlekettik qupııalardy qamtıtyn máselelerdi talqylaý qupııalylyq rejıminiń talaptaryn saqtaı otyryp jáne otyrystarǵa jiberýdi shekteı otyryp júzege asyrylady.
Konstıtýsııalyq Sot otyrysynyń barysyna aralasýǵa jol berilmeıdi.
Konstıtýsııalyq Sottyń otyrystary beınekonferensbaılanys jáne ózge de qoljetimdi onlaın-servıster arqyly, betpe-bet nemese aralas formatta ótkizilýi, sondaı-aq ınternet-resýrsta onlaın rejıminde taratylýy múmkin delingen.
«Qazaqstan Respýblıkasynyń Konstıtýsııalyq Soty týraly» Konstıtýsııalyq zań 2022 jylǵy 5 qarashada qabyldanyp, 2023 jylǵy qańtardan bastap kúshine endi. Konstıtýsııalyq Sot Konstıtýsııalyq Keńesti almastyrady.