Otbasynyń sıfrlyq kartasy

OSK «Smart Data Ukimet» analıtıkalyq júıesimen ınteg­rasııalanǵan. Júıede memle­ket­tik organdardyń barlyq de­rek­qory jınaqtalǵan. Onda tabys deńgeıi, jyljymaly jáne jyljymaıtyn múliktiń bolýy, otbasy quramy, kredıttiń bolýy jáne t.b. sııaqty ártúrli aqparat qamtylǵan.

Búgingi tańda memlekettik organ­dardyń aqparattyq júıe­leriniń derekteri negizinde OSK-da Qazaqstannyń 19,5 mln azamaty nemese 6,3 mln otbasy týraly aqparat jınaqtalǵan.

Qolda bar derekter negizinde ekonomıkalyq, áleýmettik, tur­ǵyn úı jaǵdaılary, densaýlyq pen bilim boıynsha otbasynyń ál-aýqat deńgeıin baǵalaýǵa jáne qadaǵalaýǵa múmkindik beretin taldaýlar júrgiziledi, al áleýmettik táýekel týyndaǵan jaǵdaıda OSK járdemaqy nemese áleýmettik tólemdi proaktıvti túrde alýǵa múmkindik beredi.

Ol úshin OSK arqyly ále­ýetti járdemaqy alýshyǵa SMS-habarlama jiberiledi jáne oń jaýap bolǵan jaǵdaıda oǵan tıisti tólem taǵaıyndalyp, tıis­ti qarajat banktik shotyna aýdarylady.

Eske sala keteıik, OSK 2022 jyldyń 1 qyrkúıeginen bas­tap qanatqaqty rejimde iske qo­syl­dy. Aprobasııa kezeńinde mem­lekettik qyzmet kórsetýge keli­sim alý úshin barlyǵy 56,9 myń SMS-habarlama jiberilip, jaýap bergen 12,9 myń azamatqa qoldaý sharalary kórsetildi.

Qazirgi tańda OSK-da jár­dem­aqylar men áleýmettik tólem­der­diń 9 túri boıynsha qyz­met­ter alý múmkindigi beril­gen: júk­tilikke jáne bosanýǵa baı­lanysty tabysynan aıyryl­ǵan jaǵdaıda áleýmettik tólem­der; bala kútimine baılanys­ty tabysynan aıyrylǵan jaǵ­daı­da áleýmettik tólemder; jumy­synan aıyrylǵan jaǵdaıda áleý­mettik tólemder; asyraýshy­synan aıyrylǵan jaǵdaıda áleýmettik tólemder; múgedektigi bar bala tárbıelep otyrǵan ata-anaǵa (qamqorshyǵa) beriletin járdemaqylar, múgedektigi bo­ıyn­sha járdemaqylar; kóp­balaly otbasylarǵa beriletin jár­demaqylar; «Kúmis alqa» ne­mese «Altyn alqa» alqalary­men marapattalǵan kópbalaly analarǵa beriletin járdemaqy­lar; ataýly áleýmettik kómek. Son­daı-aq azamattarǵa OSK ar­qyly zeınetaqy tólemderin alý múmkindigi týraly avtomatty habarlama jiberiledi.

2023 jyly áleýmettik qorǵaý salasyndaǵy qyzmetter tizbesi keńeıtiledi. 2024 jylǵy 1 qań­tardan bastap densaýlyq saqtaý jáne bilim berý salalaryn­daǵy memlekettik kepildikter en­giziledi. 2025 jyldan bastap jo­ǵaryda atalǵan úsh salada mem­lekettik kepildikterdiń barlyq túri qamtylmaq.

Alaıaqtyq táýekelin boldyrmaý maqsatynda 1414 biryńǵaı baılanys ortalyǵynan kelip túsken SMS-ke jaýap berý qajet­tigin atap ótemiz.