О́nerkásip – ulttyq ekonomıkanyń kúretamyryna aınalǵan mańyzdy sektor. Sebebi munda paıdaly qazba men basqa da tabıǵı shıkizatty óndirýden bastap, óńdeýge mashyqtanǵan ári halyqqa alýan túrli taýarlar shyǵaryp, usynatyn kásiporyndardyń qyzmeti jolǵa qoıylǵan.
О́tken jyldyń qańtar-qarasha aılary aralyǵynda ónerkásiptegi óndiris kólemi 2021 jyldaǵy kezeńmen salystyrǵanda 101,4 paıyzǵa jetti. Bul ósim óńdeý (4,2 paıyz), metallýrgııa (3,9 paıyz), mashına jasaý (8,9 paıyz) jeńil ónerkásip (6,9 paıyz), sondaı-aq tústi metall kenderin óndirý salasyndaǵy (5,9 paıyz) óndiris kóleminiń ulǵaıýy esebinen baıqalyp otyr. Sonymen birge taý-ken ónerkásibindegi kórsetkish 0,9 paıyzǵa tómendegen.
Byltyr Indýstrııa jáne ınfraqurylymdyq damý mınıstrligi ónerkásiptegi sıfrly tehnologııalardy engizýge baılanysty yntalandyrýdyń tyń tetikterin engizip, bul ónerkásiptik-ınnovasııalyq qyzmet sýbektileriniń eńbek ónimdiligin arttyrýǵa septigin tıgizýge tıis.
О́nerkásipke memlekettik yntalandyrý sharalaryn usyný qaǵıdalaryna sáıkes shyǵyndardy óteý Indýstrııa 4.0 tehnologııalaryn engizýge jáne avtomattandyrylǵan basqarý júıelerin ázirleýge nemese qoldanysqa engizýge (onyń ishinde lısenzııalyq baǵdarlamalyq qamtamasyz etýdi satyp alýǵa) beriledi. Qazir 6 ónerkásiptik kásiporyn IT-sheshimderge jumsalǵan shyǵyndardyń ornyn toltyra aldy.
Sonymen qatar mınıstrlik satyp alynatyn jabdyq qunynyń 50 paıyzy (750 mln teńgeden aspaıtyn) mólsherine deıin tehnologııalyq jabdyqty jańǵyrtýǵa arnalǵan ónerkásiptik grantty usyný arqyly óndiris oryndaryn qoldaýdy jalǵastyryp keledi. Bıyl respýblıkalyq bıýdjetten atalǵan grantty usynýǵa 1,6 mlrd teńge qarastyrylǵan.
Buǵan qosa Indýstrııa jáne ınfraqurylymdyq damý mınıstrligi ónerkásipti qoldaýdyń qosymsha sharalary retinde 2023 jylda birqatar is-shara ótkizýdi josparlap otyr. Onyń ishinde Halyqaralyq taý-ken metallýrgııa kongresi forýmy men sheteldik delegattardyń qatysýymen Qazaqstannyń mashına jasaýshylarynyń XI forýmyn ótkizý bar.
Astana Mining & Metallurgy taý-ken ındýstrııasyndaǵy aýqymdy is-sharalardyń biri sanalady. Onyń dıalog alańynda B2B jáne G2B formatynda jer qoınaýyn ıgerýmen aınalysatyn iri kompanııalar men Qazaqstannyń memlekettik qurylymdarynyń ókilderi kezdesip, salalyq kórme, netýorkıng jáne «Altyn Gefest» salalyq baıqaýy ótkiziledi. Jyl saıyn uıymdastyrylatyn Astana Mining & Metallurgy kongresi salaaralyq ınvestısııalyq baılanysty keńeıtýge, jańa kelisimsharttar jasaýǵa jáne zamanaýı syn-qaterlerge birlesken sheshimderdi ázirleýge áserin tıgizip otyr.
Al Qazaqstan mashına jasaýshylar forýmynyń mańyzdylyǵy sol, munda avtokólik óndirisinen bólek, elimizdiń óńdeý ónerkásibin damytý strategııasy qalyptastyrylyp, salalyq kásiporyndardy arzan baǵadaǵy shıkizatpen qamtamasyz etýdiń jáne jergilikti qamtýdy damytýdyń jańa tetikteri qarastyrylyp keledi. Budan basqa bıyl qazaqstandyq kásiporyndardyń elimizdiń aýmaǵy men Reseı Federasııasy jáne О́zbekstanda ótkiziletin «INNOPROM» kórmesi aıasyndaǵy túrli aýqymdy is-sharalarǵa qatysýy josparlanǵan.