KASE Qazaqstan qor bırjasy 15:30-daǵy jaǵdaı boıynsha dollardyń ortasha ólshengen baǵamy 461,84 teńgeni qurap, 0,63 teńgege tómendegenin habarlady, dep jazady Egemen.kz.
Qytaı ıýaniniń ortasha ólshengen baǵamy tómendep, 68,11 teńgeni (-0,05) qurady.
Eýro boıynsha saýda-sattyq ótkizilgen joq. Al rýbl boıynsha áli aıaqtalǵan joq. Ulttyq bank eýro baǵamyn 493,52 teńgege, rýbldi – 6,65 teńgege belgiledi.
Aıyrbastaý pýnktterinde dollardy 463,5-467 teńgeden, eýrony – 494-500 teńgeden, reseı rýblin – 6,3-6,6 teńgeden satyp alady/satady.
Sondaı-aq búgingi saýda-sattyq barysynda álemdik munaı baǵasy da tómendedi.
Máselen, ICE Futures-tegi Brent markaly munaıdyń quny 0,29%-ǵa tómendep, barreline 79,42 dollardy qurady.
NYMEX elektrondy saýda-sattyǵynda WTI munaı fıýchersteri aqpan aıynda 0,21%-ǵa, barreline 74,47 dollarǵa deıin arzandady.