Fransııada zeınet jasyn 62-den 65-ke deıin ulǵaıtý máselesi talqylandy. Bul máseleni eldiń premer-mınıstri Elızabet Born FranceInfo radıosynda kóterdi, dep habarlaıdy Egemen.kz.
Bornnyń aıtýynsha, 2030 jylǵa deıin eldegi zeınetaqy júıesi tolyǵymen reformalanady. Qazirdiń ózinde zeınet jasyn ulǵaıtý máselesi ózekti bolyp otyr.
Bul rette fransýzdardyń basym bóligi, atap aıtqanda 54%-y zeınet jasyn kóterýge qarsy ekendigi anyqtaldy.
Búginde Fransııada jeke saqtandyrylǵan adam úshin eń tómengi zeınetaqy mólsheri eń tómengi jalaqynyń 75%-yn nemese aıyna shamamen 1015 eýrony (502 222 teńge) quraıdy. Úkimet bul somany 85%-ǵa nemese aıyna 1200 eýroǵa (593 760 teńge) deıin arttyrýdy josparlap otyr.
Aıta keteıik, 26 jeltoqsanda Qazaqstan Prezıdenti Qasym-Jomart Toqaev áıelderdi 61 jastan zeınetkerlikke shyǵarý týraly zańǵa qol qoıdy.