2023 jyldyń 2-3 aqpanynda Almatyda V Halyqaralyq «Digital Almaty 2023: jańa bolmystaǵy sıfrlyq áriptestik» sıfrlyq forýmy ótedi, dep habarlaıdy Egemen.kz Sıfrlyq damý, ınnovasııalar jáne aeroǵarysh ónerkásibi mınıstrliginiń baspasóz qyzmetine silteme jasap.
Forýmnyń basty taqyryby ınnovasııalyq tehnologııalar ındýstrııasyn damytýdyń zamanaýı jahandyq syn-qaterleri bolmaq.
Forýmnyń iskerlik baǵdarlamasy 20 paneldik sessııadan turady, onda 150-den astam spıkerler – halyqaralyq jáne Qazaqstandyq IT-qoǵamdastyq ókilderi sóz sóıleıdi. Digital Almaty-ge álemniń 30 elinen 15 myńnan astam adam qatysady dep kútilýde. Paneldik sessııalarda forýmǵa qatysýshylar ónerkásip salalarynyń avtomattandyrýdan sıfrlandyrýǵa údemeli kóshýin, sıfrlyq maınıng perspektıvalaryn, robottandyrýdy qoldaný salalaryn, Eýrazııalyq óńirde IT-salany damytýdy talqylaıdy.
Aıta ketsek, Digital Almaty plenarlyq otyrysyna Eýrazııalyq ekonomıkalyq odaqqa qatysýshy elderdiń úkimet basshylary qatysady. EAEO elderi premer-mınıstrleriniń qatysýymen plenarlyq sessııada talqylaýdyń negizgi taqyryby turaqty sıfrlyq ınfraqurylymdy jáne telekommýnıkasııalardaǵy jańa tehnologııalardy damytý baǵytyna arnalady. Spıkerler GovTech jáne FinTech damý perspektıvalary týraly áńgimeleıdi, sondaı-aq óńirde IT bıznesti odan ári damytý týraly kózqarasymen bólisedi.
Forýmda el tehnoparkteriniń, halyqaralyq vendorlardyń jáne venchýrlik qorlardyń kórmeleri uıymdastyrylady. Kórme aımaqtary Indýstrııa 4.0. jáne Innovation Center ındýstrııalyq ónerkásiptegi ınnovasııalar men úzdik IT ázirlemelerdi kórsetedi.
Sonymen qatar, FinTech, Smart City, EDtech, GameDev, IoT, 5G, SaaS, Blockcain, Big Data, MedTech, Logistic&Travel salasyndaǵy jobalar kórmesin qosa alǵanda, 100 jańa joba usynylatyn startaptar alleıasy da IT-salanyń jetekshi ókilderiniń qatysýymen tehnologııalyq marafon, vorkshop uıymdastyrylady, joǵary oqý oryndary men bos oryndar jármeńkeleri. Dástúr boıynsha forým alańynda ASTANA HUB BATTLE tehnologııalyq marafony - úzdik IT-startap úshin shaıqas ótedi. Shaıqastyń júlde qory $18 000 quraıdy.