Úzdik alty joba

Osylardyń ishindegi erekshe bastamalardyń biri – zamanaýı Arduino tehnologııasy arqyly jasalatyn «Smart botanıkalyq baǵy» jobasy. Jas ǵalym, ýnı­ver­sıtettiń aǵa oqytýshysy Darhan Orynbekovtiń aıtýynsha, baqta ósimdik topyraǵyndaǵy ylǵal­dylyqty anyqtaıtyn qu­rylǵy ornatylady.

– Ondaǵy kórsetkishter ar­qy­ly baq avtomatty túrde táý­lik ishinde bir márte 10-15 mınýt sýarylady. Bul ósimdiktiń tú­ri­ne de baılanysty, – dedi grant ıegeri.

Al «Arheologııa jáne et­no­gra­fııa» ortalyǵynyń ǵy­­ly­mı qyzmetkeri, PhD Islam Qur­ma­nııazov ejelgi Asanas, Qysh­qala, Aral-asar eskert­kishterinen tabylǵan osteo­lo­gııalyq materıaldardy ǵy­ly­mı turǵydan taldap, orta­ǵasyrlyq kezeńdegi janýar­lar álemi men ósimdikter dúnıe­sin zertteýdi qolǵa almaq. «Má­de­nıet­taný» mamandyǵy bo­­ıyn­sha fılosofııa doktory Jarqynbek Ábikenov ońtústik óńir turǵyndarynyń kom­mý­nı­kasııalyq mádenıetindegi úde­risterdi zertteýmen aınalysady. Ǵalym Qyzylorda, Túrkistan, Jambyl, Jetisý, Almaty oblystary men Almaty, Shymkent qalalary turǵyndarynyń kom­mýnıkasııalyq daǵdylaryn nazarǵa alýdy josparlaýda.

Granttyq jobalardy irik­teý­de joba taqyrybynyń ma­ńyz­dylyǵyna, ashyqtyǵyna, ózek­teligine erekshe basymdyq berildi.

Qazaq ­halyq­ pe­­da­­go­­­­­gı­ka­­syn­daǵy dene shy­nyq­ty­rý dástúrlerin tereń zerttep, stý­­dent­terdi patrıot­tyq tur­ǵy­dan tárbıeleýge baǵyt­talǵan PhD Talant Bımahanovtyń jobasy da konkýrsta qoldaý tapty. Pedagogıka ǵylymdarynyń magıstri, aǵa oqytýshy Erbol Bekish XIX ǵasyrdyń ekinshi jartysy men XX ǵasyrdyń basyndaǵy qazaqtyń rýhanı jáne zaıyrly ıntellıgensııasynyń aǵar­týshylyq-pedagogıkalyq qyz­­­metin zerttemek.

Konkýrsta bastaýysh, orta jáne joǵary mektep muǵa­lim­de­ri­ne arnalǵan psıho­logııalyq-pedagogıkalyq ter­mın­derdiń glossarııin úsh tilde ázirleýge arnalǵan Janna Iztileýovanyń jobasy da qoldaýǵa ıe boldy.

Jastar jyl sońyna deıin zertteý júrgizip, respýblıkalyq jáne halyqaralyq ǵylymı ba­sy­lym­darǵa maqalalar jarııalaıdy. Úzdik shyqqan 6 jobaǵa 10 mln teńgelik sertıfıkat tabys­tal­dy. Dástúrli konkýrs aıa­synda byltyr 4 joba ýnıversıtet grantyn ıelengen bolatyn. Mundaı qoldaý jastardyń ǵylymǵa degen qyzyǵýshylyǵyn arttyryp, jańa jobalardyń júzege asýyna jol ashpaq.

Qyzylorda oblysy