Ýnıversıada alaýy tutanady

Jalpy, Qazaqstannyń sportshylary qysqy Ýnıversıadaǵa 1993 jyldan beri úzdiksiz qatysyp keledi. Polshanyń Zakopane qala­synda ótken alǵashqy jarysynda jerlesterimiz jalqy kúmiske qol jetkizgen edi. Ony О́skemenniń «Torpedo» klýby oıynshylarynan ǵana jasaqtalǵan hokkeıshiler quramasy jeńip aldy. Jarys barysynda barlyq qarsylasyn sypyra utqan Oleg Domrachevtiń shákirtteri fınalda Reseı quramasyna ese jibergeni esimizde.

1995 jyly Ispanııanyń Haka­synda shaıbaly hokkeıshi­lerimiz qarsylas shaq keltirmedi. Bul joly olar reseılikterdiń ózin san soqtyryp ketti. Mánerlep syrǵanaýshylar saıysynda Ma­rına Haltýrına men Andreı Krıýkov aldaryna jan salmasa, Dmıtrıı Kazarlyga men Elızaveta Stekolnıkova qolaǵa qol sozdy. Olar juptyq saıystarda óner kórsetti. Iаǵnı Pıreneı túbeginde otandastarymyz 2 altyn men 1 qolany ıelendi.

1997 jyly Mýdjý (Ońtús­tik Koreıa), 1999 jyly Poprad (Slo­vakııa) jáne 2011 jyly Zako­paneden (Polsha) qor­jynymyz bos qaıtty. Esesine odan keıingi úsh dúbirli dodada stýdentterimiz keremet kórsetkishke qol jetkizdi. Atap aıtsaq, 2003 jyly Italııanyń Tarvızıosynda alty júldeni qorjynǵa saldyq. Apennın tú­beginde Nıkolaı Chebotko men Svet­lana Malahova altyn alsa, Oksana Iаskaıa men Andreı Golovko kú­mispen kúpteldi. Sondaı-aq Darııa Starostına estafta men jekeleı básekede qola medal enshiledi. Bul sportshylardyń barlyǵy da – shańǵyshylar.

2005 jyly Aýstrııanyń Ins­býrginde tabysymyz tipten keremet boldy. Ol kezde otandastarymyz 4 altyn, 1 kúmis jáne 2 qolany ol­jalady. Bul júldelerdiń bar­lyǵy da shańǵyshylardyń en­shisinde. Tarqatyp aıtsaq, E.Koshevaıa, S.Ma­­lahova, A.Golovko, N.Che­bot­­­ko, M.Odnodvorsev, E.Ko­she­­voı, O.Iаskaıa, E.Kolomına, S.Ma­­lahova – birinshi, N. Chebotko – ekinshi jáne E.Kolomına men M.Odnodvorsev úshinshi oryndardy ıemdendi. 2007 jyly Ita­lııanyń Týrıninde 2 altyn, 1 kú­mis jáne 2 qolany qanjyǵaǵa baıladyq. Jeńis tuǵyryna kóte­rilgen jerlesterimizdiń deni jo­ǵaryda esimderi atalǵan shańǵy­shylar men shaıbaly hokkeıshiler komandasy edi.

2009 jyly Harbınnen (Qytaı) quralaqan oralsaq, 2011 jyly Erzýrýmde (Túrkııa) alty júlde aldyq. Anadoly elinde Darıa Rybalova (bıatlon) altynnan alqa taqsa, D.Moıseev (frıstaıl), G.Matvıenko (shańǵy), D. Volotko (shańǵy), A.Osıpov (shańǵy) jáne estafetaǵa qatysqan sportshylarymyz qola medaldi moıyndarynda jarqyratty. 2013 jyly Trentınoda (Italııa) 2 altyn, 2 kúmis jáne 1 qola buıyrdy. Bul júldelerdiń tórteýin shań­ǵy­shy­lar jeńip alsa, taǵy bireýin hok­keıshiler enshiledi.

2015 jyly Ispanııanyń Gra­­nadasy men Slovakııanyń Shtrbs­ke Pleso qalalarynda jalaýy jel­biregen jarysta Qazaq­stan qura­masy óz tarıhynda tuń­ǵysh ret jalpykomandalyq esepte úzdik úshtiktiń qatarynan kó­rindi. Buǵan deıingi eń jaqsy kór­setkishimiz 2005 jyly Ins­býrktegi jetinshi oryn edi. Al bul joly 5 altyn jáne 6 kúmis oljalady. Barlyǵy – 11 júlde. Anastasııa Slonova (shańǵy) eki márte altyn tuǵyrǵa kóterilse, Iýlııa Galysheva (frıstaıl), Pavel Kolmakov (frıstaıl) jáne Alına Raıkova (bıatlon) bir-bir retten dál sondaı qurmetke bólendi. A.Slonova, A.Lanchakova (shańǵy), D.Reıherd (frıstaıl) jáne shaıbaly hokkeıshiler, shańǵyshylar, bıatlonshylar quramasy kúmispen kúpteldi.

2017 jylǵy HHVIII qysqy Dúnıejúzilik ýnıversıadanyń alaýy Almatyda tutandy. Qa­zaqstan tarapynan osyndaı már­tebeli jarysty asa joǵary deń­geıde ótkizý úshin qyrýar jumys atqaryldy. Alataý baýraıynda jarys jolyna 56 memleketten kelgen 1 604 stýdent shyqty. Olar 12 sport túri boıynsha 85 júlde jıyntyǵyn sarapqa saldy. Baq synaýshylar qatarynda Olımpııa oıyndary men álem chempıonattarynda atoı salǵan sańlaq sportshylardyń da qatary qalyń boldy. Jalpy esepte Reseı quramasy (29 altyn+27 kúmis jáne 15 qola) aldy­na jan salmady. Qazaqstannyń órenderi (11+8+17) ekinshi oryndy oljalady. Oń­tústik Koreıa (11+8+17) úshinshi satyǵa taban tiredi. Sondaı-aq úz­dik bestiktiń qataryna Japonııa (6+12+10) men Polshanyń (5+2+5) ókilderi endi.

Qazaqstan qurama komandasy sapynda bıatlonshy Galına Vıshnevskaıa, frıstaılshy Iýlııa Galysheva men Dmıtrıı Reıherd mol oljaǵa keneldi. Olardyń ár­qaısysy eki altynnan oljala­dy. Alına Raıkova (bıatlon), Ivan Lıýft, Anna Shevchenko men Oljas Klımın (shańǵy), De­nıs Ten (mánerlep syrǵanaý), Jan­bota Aldabergenova men Baǵlan Ińkárbek (akrobatıka) syn­dy sa­ıyp­qyrandarymyz bir-bir ret­ten Qazaq eliniń ánuranyn shyr­qatty.

2019 jylǵy Ýnıversıadany Reseıdiń Krasnoıarsk qalasy qa­byldady. Bul jarysty jerles­terimiz 4 kúmis jáne 3 qolamen qo­rytyndylady. Áset Dúısenov (shańǵy), Pavel Kolmakov (frıstaıl), Elızabet Tursynbaeva (máner­lep syrǵanaý) jáne shań­ǵydan Qazaqstan quramasy esta­fetalyq saıysta ekinshi oryndy enshilese, Janbota Aldabergenova men short-trekten elimizdiń erler jáne áıelder komandasy úshinshi sa­­tyǵa jaıǵasty. 2021 jyly Shveı­­­­sarııanyń Lıýsernindegi do­­da Jer-jahandy jaılaǵan ko­rona­vırýs dertiniń saldarynan ótpeı qaldy.

Mine, qysqasha baıandasaq, Qazaqstannyń stýdent sportshylaryna qatysty qysqy Dúnıejúzilik ýnıversıadanyń tarıhy osyndaı.