Shoqan Ýálıhanov atyndaǵy oblystyq ámbebap-ǵylymı kitaphanasynda óńir rýhanııatyndaǵy úzdik shyǵarmalardy nasıhattaý maqsatynda qolǵa alynǵan «Bir óńir – bir kitap» oblystyq aksııasynyń saltanatty ashylýy ótti.
Atalǵan is-sharaǵa óńirdiń zııaly qaýym ókilderi jáne M.H.Dýlatı atyndaǵy Taraz óńirlik ýnıversıtetiniń oqytýshy-professorlary qatysyp, kókeıde júrgen oılaryn ortaǵa saldy. Qysqasy, kitaphana qyzmetkerleri aksııa aıasynda Keńes Odaǵynyń Batyry, ekinshi dúnıejúzilik soǵystyń dańqty jaýyngeri Baýyrjan Momyshulynyń shyǵarmalary nasıhattalatynyn tilge tıek etti.
Is-shara barysynda sóz alǵan jazýshy-dramatýrg Elen Álimjan, «Dýlatıtaný» ǵylymı-zertteý ortalyǵynyń dırektory Sámen Qulbaraq, ózge de azamattar batyr shyǵarmashylyǵyn nasıhattaý kezinde barlyq býyn ókilderin qamtýdyń mańyzy zor ekenin sóz etti.
Sońynan atalmysh kitaphananyń qyzmetkerleri Baýyrjan Momyshulynyń «Ushqan uıa», «Qanmen jazylǵan kitap», «Arpalys» sekildi ózge de shyǵarmalaryna bıblıografııalyq sholý jasap, is-sharaǵa belsene qatysqan meımandarǵa rızashylyǵyn jetkizdi.
TARAZ