2022 jyldyń qorytyndysy boıynsha munaı jáne kondensat óndirý kólemi 84,2 mln tonnany qurady. Bul týraly Energetıka mınıstri Bolat Aqsholaqov málim etti, dep habarlaıdy Egemen.kz.
Onyń aıtýynsha, byltyr Teńiz ken ornynda - 29,2 mln tonna, Qarashyǵanaq ken ornynda - 11,3 mln tonna, Qashaǵanda - 12,7 mln tonna munaı óndirildi.
«2022 jyly munaı eksporty 64,3 mln tonnany qurady», dedi mınıstr Úkimet otyrysynda.
Bolat Aqsholaqovtyń derekteri boıynsha, munaı óńdeý jáne munaı ónimderin, onyń ishinde dızel otynyn óndirý kólemi – 5,2 mln tonnaǵa, mazýt – 2,8 mln tonnaǵa, avtobenzın – 5 mln tonnaǵa, avıaotyn – 0,7 mln tonnaǵa ósti.