О́tken jyldyń sońynda Mańǵystaý oblysy boıynsha qylmystyq atqarý júıesi departamentiniń murajaıy ashylyp, qym-qýyt taǵdyr jolyn qaǵazǵa hattaǵan kitaptyń tusaýy kesildi.
Aımaq basshysy N.Noǵaev qatysqan is-sharada murajaıdy ashý, lenta qııý qurmeti qylmystyq atqarý júıesiniń ardagerleri K.Qulmaǵambetov pen M.Shlekenovke berilse, «Mańǵystaý óńiriniń qylmystyq atqarý júıesi: ótkeni men búgini» atty kitaptyń tusaýyn kesý qurmeti oblys boıynsha qylmystyq-atqarý júıesi departamentiniń bastyǵy, ádilet polkovnıgi A.Qalıev pen atalǵan departament ardagerler keńesiniń tóraǵasy D.Begalıevke buıyrdy.
Derekti-pýblısıstıkalyq sıpatta jazylǵan kitapta Mańǵystaý oblysyndaǵy qylmystyq atqarý júıesiniń qalyptasý joly men damý tarıhy, búgingi tańdaǵy tynys-tirshiligi, osy salada eńbek etken jáne qyzmet etip júrgen azamattardyń eńbekteri sıpattalady. Sondaı-aq týyndyda osy júıeniń qıly joly, qalyptasýy, qıyndyǵy men jetistigi hattalǵan.
Saltanatty is-sharada oblys ákimi N.Noǵaev kitapty tarıhı qundy eńbek dep baǵalap, mekemeniń ótkeni men búginin qaǵaz betine túsirip, qattap bergen avtorlarǵa alǵysyn bildirdi.
Mańǵystaý oblysy