Aqmola jáne Pavlodar oblystarynda aýa raıynyń nasharlaýyna baılanysty kóliktiń barlyq túrleri úshin qozǵalysqa shekteý qoıyldy, dep habarlaıdy Egemen.kz.
Astana – Ereımentaý – Shiderti tas jolynyń 16-200 shaqyrymy (Astana qalasynyń ýchaskesi – Pavlodar oblysynyń shekarasy) men Astana – Ereımentaý – Shiderti tas jolynyń 200-254 shaqyrymynda (Aqmola oblysynyń shekarasy – Shiderti eldi mekeni) kóliktiń barlyq túrleri úshin qozǵalys ýaqytsha shekteldi.
«Aýa raıynyń qolaısyzdyǵyna baılanysty jol qyzmeti kúsheıtilgen jumys rejımine aýystyryldy», delingen «QazAvtoJol» AQ habarlamasynda.
Komapanııa jabylǵan respýblıkalyq mańyzy bar tasjolǵa shyqqany úshin 30 AEK (103 500 teńge) mólsherinde aıyppul túrindegi ákimshilik jaýapkershilik, sonymen qatar 15 táýlikke deıin qamaqqa alý túrindegi ákimshilik jaýapkershilik belgilengenin eske saldy.
Qosymsha aqparatty «QazAvtoJol» AQ táýlik boıy jumys isteıtin baılanys ortalyǵynyń «1403» qysqa nómirine qońyraý shalý arqyly alýǵa bolady.