Bashqurtstannyń birinshi prezıdenti Murtaza Rahımov uzaqqa sozylǵan dertinen keıin qaıtys boldy, dep habarlaıdy Egemen.kz.
Bul týraly Bashqurt Quryltaıy tóraǵasynyń orynbasary Rústem Ahmadınýrov málimdedi.
Murtaza Rahımov 1993 jyldan 2010 jylǵa deıin Bashqurtstan Respýblıkasynyń prezıdenti qyzmetin atqarǵan. Ol 1934 jyldyń 7 aqpanynda Kýgarchın aýdany, Takanovo aýylynda dúnıege kelgen. Ýfa munaı ınstıtýtyn bitirgen.
1960-1976 jyldary Ýfa munaı óńdeý zaýytynda qondyrǵy bastyǵy, seh bastyǵynyń orynbasary, óndiris bastyǵynyń orynbasary, bas ınjenerdiń iske qosý jáne retteý jónindegi orynbasary qyzmetterin atqardy. 1976-1978 jyldary zaýyttyń bas hımıgi - bas ınjenerdiń orynbasary, 1978-1986 jyldary bas ınjener, 1986-1990 jyldary dırektor bolǵan.
1990-1993 jyldary Bashqurtstan Respýblıkasy Joǵarǵy Keńesiniń tóraǵasy bolǵan.