Almaty ákimdigi aýyr kommýnaldyq apat týraly habarlady. Myńbaev kóshesindegi sý qubyrynan aqaý shyqty. Túngi 3:40-tan bastap soltústik baǵytta ornalasqan irgeles kóshelerdi, negizinen Áýezov kóshesin sýǵa basty, dep habarlaıdy Egemen.kz.
Kommýnaldyq ınfraqurylymdy damytý basqarmasy habarlaǵandaı, «Almaty tazalyq» joldaǵy kóktaıǵaqty joıý úshin joldar men trotýarlardy arnaıy materıaldarmen sebýdi uıymdastyrǵan.
Ákimdik apat saldaryn búgin joıýǵa ýáde berdi.
«Sý tógilgen jerlerde kóktaıǵaq paıda bolýyna baılanysty júrgizýshilerdi jyldamdyqty tómendetýge, avtomobılder arasyndaǵy qashyqtyqty arttyrýǵa jáne sý basqan ýchaskelerde abaı bolýǵa shaqyramyz. Kórsetilgen ýchaskelerdi aınalyp ótý úshin qozǵalys baǵytyn qurýdy usynamyz. Jaıaý júrginshilerden trotýarlarda júrgende saq bolýdy suraımyz», delingen habarlamada.