Jeńis Qasymbek Instagram paraqshasynda 20-dan asa otbasyny qabyldap, birqatar másele talqylanǵanyn málim etti, dep habarlaıdy Egemen.kz ákimdikke silteme jasap.
«Ár juma saıyn azamattardy jeke qabyldaımyn. Búgin onlaın rejımde taǵy 20-dan asa otbasyny qabyldadym. Áleýmettik, medısınalyq kómek kórsetý, balabaqshaǵa ornalastyrý, qurylysy uzaqqa sozylǵan nysandardy aıaqtaý, abattandyrý, ınjenerlik jeliler salý sekildi ózge de máseleler kóterildi.
Qozǵalǵan problemalardyń bir bóligi sol jerde sheshiledi. Al qalǵan bóligi boıynsha sheshý jumysyn qolǵa alamyz, óıtkeni júıeli máselelerdi retteýge ýaqyt qajet. Osyǵan deıin aıtqanymdaı, bıyl sýmen, jylýmen jabdyqtaý jáne t.b. qýatyn arttyrýǵa múmkindik beretin birqatar ınfraqurylymdyq nysannyń qurylysyn aıaqtaýdy josparlap otyrmyz. Sol sııaqty taǵy 13 mektep salamyz, jeke balabaqshalarǵa 9 myń orynǵa memlekettik tapsyrys beremiz, qurylysy uzaqqa sozylǵan nysandardy aıaqtaımyz, jeńildikpen beriletin qoljetimdi turǵyn úı salamyz jáne t.b.
Azamattardy qabyldaýǵa egov.kz, e-otinish portaly nemese qala ákimdiginiń keńsesi arqyly jazylýǵa bolady», dep jazdy elorda ákimi.