О́tken jyldyń qańtar-qarasha aralyǵynda 13,4 myń jol-kólik oqıǵasy tirkeldi. Onyń 1,7 myńy adam ólimimen aıaqtalǵan. Bul kórsetkish 2021 jylmen salystyrǵanda 9,2 paıyzǵa ósken, dep habarlaıdy Egemen.kz.
Ranking derekterine qaraǵanda, jol apatynyń 11,6 myńy júrgizýshi kesirinen bolǵan. 378 jol apatynda jaıaý júrginshi kináli bolsa, taǵy 3 apat kommýnaldyq qyzmetkerlerdiń qatysýymen bolǵan.
Derekkózderge súıensek, jol apaty kóp oryn alatyn kúnder dúısenbi, senbi jáne jeksenbi kúnderi eken. Al jol-kólik oqıǵasy az tirkelgen kún - beısenbi.
Odan bólek, jol apatynyń 68 paıyzy kúndiz tirkelgen.
О́ńirler boıynsha JKO kóbinese Almaty qalasynda tirkeledi (3,5 myń JKO, jylyna plıýs 20,6 paıyz). JKO boıynsha Almaty (1,9 myń jaǵdaı) men Jambyl (1,4 myń) oblystary da kósh bastap tur. Túrkistan oblysynda tirkelgen JKO kóbinese ólimmen aıaqtaldy, óńirdegi oqıǵalardyń jalpy sany 37 paıyzdy quraǵan.
Gúlshahra SANSYZBAI