Bıyl elordada Meksıka elshiligi ashylady. Bul týraly Qazaqstan Respýblıkasy Syrtqy ister mınıstrliginiń resmı ókili Aıbek Smadııarov aıtty, dep habarlaıdy Egemen.kz.
«2023 jylǵy 12-13 qańtarda Mehıka qalasynda Meksıkanyń Syrtqy ister mınıstri Marsel Evrardtyń sol elde akkredıttelgen dıplomatııalyq korpýspen 34-shi jyl saıynǵy kezdesýi ótti. Mınıstr óz sózinde bıylǵy maqsattar týraly aıta otyryp, 2023 jyly Meksıka 5 jańa elshilikti, onyń ishinde Qazaqstanda da elshilik ashatynyn resmı túrde jarııalady. Qazaqstan Meksıka úkimetiniń sheshimin quptaıdy jáne Meksıkanyń Astanada elshilik ashýyna kómek kórsetýge daıyn», dedi ol brıfıng barysynda.