18-20 qańtar aralyǵynda Germanııanyń Berlın qalasynda XV Dúnıejúzilik azyq-túlik jáne aýyl sharýashylyǵy forýmy ótedi, dep habarlaıdy Egemen.kz.
Osy oraıda «Jasyl apta – 2023» halyqaralyq kórmesine qatysý úshin Mınıstr Erbol Qarashókeev bastaǵan QR Aýyl sharýashylyǵy mınıstrliginiń delegasııasy Berlınge barady dep josparlanǵan.
Aıta keteıik, halyqaralyq dárejedegi «Jasyl apta» – aýyl sharýashylyǵy, azyq-túlik óndirisi jáne baý-baqsha salasyndaǵy eń iri halyqaralyq kórme-jármeńke. Ol 1926 jyldan beri Berlınde jyl saıyn ótkizilip keledi.
Is-shara aıasynda qazaqstandyq tarap halyqaralyq azyq-túlik ındýstrııasynyń ozyq tehnologııalyq ázirlemelerimen jáne ónimderimen tanysady.