«Abý Dabı turaqty damý aptalyǵy» sammıtiniń ashylýynda Memleket basshysy Qasym-Jomart Toqaev aýaǵa taraıtyn parnıktik gazdardyń kólemin azaıtýǵa áser etetin basty faktordyń birin atady, dep habarlaıdy Egemen.kz.
«Aýaǵa taraıtyn parnıktik gazdardyń kólemin azaıtýǵa áser etetin basty faktordyń biri – atom energııasyn paıdalaný. Qazaqstan Eýroodaqtyń jasyl tehnologııalar sanatyna engizgen atom energııasy salasynda artyqshylyqqa ıe. Elimiz tabıǵı ýran óndirý boıynsha álemde birinshi orynda. Biz ıadrolyq otynnyń komponentterin óz elimizde óndiremiz jáne atom energııasyn qaýipsiz paıdalaný isin odan ári damytýǵa múmkindigimiz mol. Bizdiń pikirimizshe, bul – aımaqtyq jáne jahandyq deńgeıdegi saýda men ınvestısııa úshin keleshegi mol sala», dedi Prezıdent.