Qundylyqty dáriptegen kezdesý

Tulǵanyń mereıtoıyna arnalǵan sharany quttyqtaý sózben ashqan Mádenıet jáne sport mınıstri Ashat Oralov «Asyldyń synyǵy, tutas Alash jurtyna ortaq ardaqty tulǵa Murat Áýezovtiń 80 jas­qa tolýyna oraı qara shańy­raqta jınalǵan zııaly qaýym, memleket jáne qo­ǵam qaıratkerleri, qadirli qalam­gerlermen kezdesý ulttyq qun­dylyqtarymyzdy saqtaý men dáripteý, mádenıetimiz ben ádebıetimizdi damytýǵa qa­tysty máseleler aıtylatyn taǵylymdy kezdesýge aınaldy. Murat Áýezovshe aıtqanda, «Ár adam ulttyń taǵdyryna qarasty máselege jan-júregimen berilýi kerek». Almaty tórinde ótken alqaly jıynnyń negizi mereıtoı bolǵanymen, mazmuny ulttyq qundylyqtarymyzdy dáripteýge baǵyttaldy» dep atap ótti.

Almaty qalasy Mádenıet basqarmasynyń basshysy Ǵanı Maılybaev, Ult­tyq kitaphana dırektory Baqytjamal Os­panova mereıtoı ıesiniń hal­qy­myzdyń rýhanı damýy, tarı­hı-mádenı muramyzdyń saq­talýy men jańǵyrýy jo­lyn­daǵy zor eńbegine toqtaldy.

Alqaly basqosýdy «Qazaq radıolary» JShS Almaty stýdııasynyń jetekshisi Ba­qyt Jaǵyparuly júrgizip, ult múddesi jolyndaǵy kú­res­ker tulǵa Murat Muh­tar­ulyna jyly lebiz bildirý­ge kelgen qaýymǵa sóz kezegin usyndy.

Qazaqstannyń jáne hal­qymyzdyń rýhanı mádenıetin damytýǵa, Ortalyq Azııa ha­lyq­tarynyń tarıhı-mádenı qundylyqtaryn zerdeleý men nasıhattaýǵa ólsheýsiz eńbegi búginde joǵary baǵa­syn alyp, kóptegen joba­larǵa negiz boldy. «Mádenı mura» memlekettik baǵdarlamasyn júzege asyrý­daǵy, «Soros-Qazaqstan» qo­rynyń basshysy retindegi qaıratkerlik bastamalary men ıgi isteri kúni búgin de jalǵasyn taýyp keledi.

«Jas tulpar» beıresmı jastar qozǵalysynyń uıym­das­tyrýshysy, «Jibek jo­lyn­daǵy suhbattar» halyqaralyq mádenı jobasynyń bastama­shysy retindegi jáne dıp­lomatııadaǵy qyzmeti de Mu­rat Muhtarulynyń bul baǵyttaǵy mıssııa­syn tolyǵymen aıshyq­tap tur. «Ýa­qyt arqaýy», «M.M.Áýe­zov». Teleesse» te­le­baǵ­dar­lamalarynyń avtory jáne júrgizýshisi retindegi jáne óz qalamynan týǵan «Vremen svıazýıýshaıa nıt», «Ippokrena. Hojdenııa k ko­lodsam vremen», «Ýı­tı chtoby vernýtsıa», «Glavpochtampt», «Dilim» eńbekteri men 200-den astam maqalasy qazaq halqynyń dúnıetanymyn keńeıtýdi maqsat etken qundy eńbekter retinde belgili.

Alqaly jıyn barysyn­da «Mádenıetterdi jaqyn­dastyrý halyqaralyq orta­ly­ǵynyń» dırektory Oljas Súleımenov, Túrki dúnıesi ádebı syılyǵynyń laý­reaty Smaǵul Elýbaı, Abaı atyndaǵy Memlekettik syılyqtyń laýreaty Baqytjan Qana­pııanov, Halyqaralyq D.Qo­naev qorynyń prezı­den­ti Eldar Qonaev, Qazaq­stan­nyń eńbek sińirgen qaı­rat­keri Tóregeldi Sharmanov, Qazaq PEN klýbynyń pre­zıdenti Bıgeldi Ǵabdýllın «Atamura» korporasııasynyń prezıdenti Raqymǵalı Qul-­Muhammed, M.Áýezov atyn­daǵy Ádebıet jáne óner ınstıtýtynyń dırektory Kenjehan Matyjanov, Qa­zaq­stan Jazýshylar odaǵy tór­aǵasynyń orynbasary Baqyt Bedelhan, «Altyn Qyran Foundation» qory Qam­qor­shylar keńesiniń tóraǵasy Islambek Saljanov, taǵy da basqa zııaly qaýym ókilderi Murat Muhtarulynyń ult­tyq múdde jolyndaǵy qyz­­­metine erekshe toqtalyp, al­­daǵy ıgi isterine sáttilik tiledi.

Kezdesý aıasynda Mu­rat Áýezovtiń qyzmeti men shy­ǵar­mashylyǵyna ar­nalǵan «О́t­kirdiń júzi» kitap kórmesi uıym­das­tyrylyp, Qanat Ámir­­hanov «Jas-Tulpar» uıy­my­nyń ánuranyn shyrqady.

ALMATY