Nepalda ondaǵan adamnyń ómirin qıǵan ushaq apaty kezinde Qazaqstanda turǵan áıel kóz jumdy. Onyń aıaǵy aýyr bolǵan, dep habarlaıdy Egemen.kz.
Belgili bolǵandaı, Elena Bandýro sońǵy birneshe aı boıy Qazaqstanda turyp, qashyqtan jumys istegen. Keıde jumys babymen shet elderge shyǵyp turǵan.
Apatqa deıin Elena týystaryna óziniń júkti ekenin habarlap, Nepalǵa jubaıy Maksımmen kezdesý úshin attanǵan eken. Al ushaqqa otyrmaı turyp áleýmettik jelide sońǵy sýretin jarııalaǵan-dy.
«Komsomolskaıa pravda» gazetiniń málimetinshe, 33 jastaǵy Reseı azamaty Elena Bandýro trevel-bloger jáne SMM mamany bolǵan.
Esterińizge sala keteıik, 15 qańtarda Yeti Airlines áýekompanııasynyń ATR 72 jolaýshylar ushaǵy apatqa ushyraǵan edi. Ushaq Katmandýdan Pokhara qalasyna ushyp bara jatqan. Alaıda qonar sátte órt shyǵyp, ushaq ózen mańyna qulaǵan.
Gúlshahra SANSYZBAI