Sońǵy kúnderi elordanyń trotýarlary men joldarynda aýa temperatýrasynyń kúrt ózgerýine baılanysty kóktaıǵaq baıqalady. Qalanyń kommýnaldyq qyzmetteri táýlik boıy kúreý jumysyn, sondaı-aq jol jáne jaıaý júrginshiler bóliginiń aýmaǵyn muzdan tazartýdy belsendi júrgizip jatyr, dep habarlaıdy Egemen.kz Astana ákimdiginiń resmı saıtyna silteme jasap.
Qar kúreý jumysy belsendi júrip jatyr. Tańerteńnen bastap eki myńnan astam jol jumysshy men myńnan astam arnaıy tehnıka jumyldyryldy.
17 qańtarǵa qaraǵan túni elordadan 32 myń tekshe metr qar nemese 2 535 aýyr júk kóligine teń qar shyǵaryldy. Qys mezgiliniń basynan beri polıgondarǵa shamamen 2,2 mln tekshe metr qar men muz nemese 177 myńnan astam reıs shyǵaryldy.
Sondaı-aq qalanyń barlyq aýdanynda – qoǵamdyq oryndarda, kvartalishilik aýmaqtarda, trotýarlarda, aıaldama pavılondarynda jáne t.b. qum-tuz qospasyn sebý júrgizilip jatyr.
Taıǵaq jerlerde qulap, jaraqat almas úshin elorda turǵyndary men qonaqtary qozǵalys erejesin qatań saqtaýy kerek.