Astana qalasynyń mańynda parashıýtpen josparly sekirý boıynsha oqý-jaýyngerlik tapsyrmalaryn oryndaý barysynda merzimdi qyzmettegi sarbaz qaza tapty. Bul týraly Qorǵanys mınıstrliginiń baspasóz qyzmeti habarlady, dep jazady Egemen.kz.
Qaza tapqan sarbaz 2022 jyldyń kókteminde ásker qataryna shaqyrylǵan bolatyn.
Qazir oqıǵa tekserilip jatyr. Qazaqstan Respýblıkasy Qarýly kúshteri Qurlyq áskerleriniń Bas qolbasshysy general-maıor Talǵat Qoıbaqov resmı málimdeme jasap, sarbazdyń otbasy men jaqyndaryna kóńil aıtty.
«Áskerı qyzmet adam ómirine ár ýaqytta qaýip pen qaterge toly. Komandırler úshin óz jaýyngerin joǵaltý aýyr qaza», dedi ol óz sózinde.
Aıtolǵan JÚNISHAN,
L.N. Gýmılev atyndaǵy EUÝ stýdenti