Bas prokýrordyń orynbasary Tuńǵysh Prezıdenttiń otbasyna tıesili múlikterge qatysty suraqqa jaýap berdi, dep habarlaıdy Egemen.kz.
«Bizde Tuńǵysh Prezıdenttiń otbasyna nemese basqa bireýge qarsy is qozǵaý mindeti joq. Biz elden zańsyz shyǵarylǵan barlyq kapıtaldy tekserýmen jáne qaıtarýmen aınalysamyz. Qazir Ádilet mınıstrligi zańnamany qaıta qaraý jáne úılestirý boıynsha jumys júrgizip jatyr. Tıisti túzetýler Qylmystyq kodekske áli engizilgen joq. Ádilet mınıstrligi qandaı zańnamalar Tuńǵysh Prezıdent pen onyń otbasyna qatysty, al qaısysy qatysty emes ekenin anyqtaý úshin taldaý jasaıdy», dedi Bas prokýrordyń orynbasary Áset Shyndalıev.
Onyń aıtýynsha, Qarjy monıtorıngi agenttigi, Sybaılas jemqorlyqqa qarsy kúres agenttigi, Ishki ister mınıstrligi jáne Ulttyq qaýipsizdik komıteti syndy vedomstvolar jetkilikti negizderdi anyqtasa, qylmystyq is qozǵalýy múmkin.
Aıtolǵan JÚNISHAN,
L.N. Gýmılev atyndaǵy EUÝ stýdenti