Prezıdent Ákimshiligimen jáne aýdandyq máslıhat depýtattarymen kelise otyryp, Abaı aýdanynyń ákimi bolyp Sábıt Timishuly Ospanov taǵaıyndaldy. Ol buǵan deıin Qaraǵandy oblysynyń jolaýshylar kóligi jáne avtomobıl joldary basqarmasynyń basshysy qyzmetin atqarǵan edi, dep habarlaıdy Egemen.kz.
Aýdandyq máslıhattyń kezekten tys sessııasynda aımaq basshysy Ermaǵanbet Bólekpaev ákimdikke kandıdatty tanystyrdy. Depýtattar ony qoldady.
Ermaǵanbet Bólekpaev jańa ákimge jylý maýsymyn turaqty ótkizý, ınjenerlik jelilerdi qaıta jańǵyrtýdy aıaqtaý, áleýmettik nysandar salý, sondaı-aq jańa óndirister ashý, ınvestısııa tartý jáne jastar kásipkerligin qoldaý mindetterin qoıdy.
Sábıt Ospanov 1969 jyly dúnıege kelgen. 2000 jyldyń sáýirinen bastap memlekettik qyzmette. Abaı qalasynyń ákimi, Qaraǵandy oblysynyń jolaýshylar kóligi jáne avtomobıl joldary basqarmasy basshysynyń orynbasary qyzmetterin atqarǵan.
2016 jyldyń qarasha aıynda Qaraǵandy qalasy ákiminiń orynbasary qyzmetine taǵaıyndaldy.
2022 jyldyń sáýir aıynan bastap osy ýaqytqa deıin Qaraǵandy oblysynyń jolaýshylar kóligi jáne avtomobıl joldary basqarmasynyń basshysy qyzmetin atqarǵan.
Buǵan deıin Qaraǵandy qalasynyń ákimi bolyp Meıram Qojýhov taǵaıyndalǵanyn habarlaǵan edik.