Osyǵan deıin óńirlik deńgeıde ǵana jumys istep kelgen taksı qosymshasy endi respýblıkalyq masshtabqa shyǵýy múmkin. Áńgime О́skemende erekshe tanymal «Aparu» dep atalatyn taksı qyzmeti týraly bolyp otyr. Qala turǵyndary atalǵan qosymshany 10 jyldan beri qoldanyp kele jatyr. Jaqynda Sıfrlyq damý mınıstri Baǵdat Mýsın «Aparu» kompanııasynyń basshysy Erlan Shaıahmetovpen kezdesti.
Kezdesý barysynda alǵa qoıylyp otyrǵan maqsat, mindetter, sonymen qatar servısti odan ári damytý máseleleri talqylandy. Qazirgi ýaqytta kompanııanyń basqa qalalar naryǵyna shyǵýy qarastyrylyp jatyr. Mınıstrdiń pikirine qaraǵanda, Aparu-da Uber nemese IаndeksGo sııaqty alpaýyttarǵa básekelestik jasaı alatyndaı barlyq múmkindik bar.
«Men qazaqstandyq servıstiń básekege qabiletti bola alaryna senemin. Mysal retinde 10 jyldan beri jolaýshylar tasymalymen aınalysyp kele jatqan otandyq «Aparu» kompanııasyn aıtar edim. Aparu 10 jyldan beri О́skemende taksı qyzmeti retinde jumys isteıdi jáne turǵyndar arasynda servıstiń tanymaldylyǵy óte joǵary. Úlken kólemdegi suranys sapaly usynys pen qyzmet kórsetýdiń joǵary deńgeıine áser etip otyr. Sońǵy jyldary bul servıs kúnine 50 myńǵa jýyq tapsyrys qabyldaı bastady. Osy kompanııanyń basshysy Erlan Shaıahmetovpen kezdestim. Qaı jerde báseke bolsa, sol jerde damý bar. Biz óz tarapymyzdan qazaqstandyq kompanııalardy qoldaýǵa jáne olardyń ári qaraıǵy ósýine jaǵdaı jasaımyz», dedi B.Mýsın.
Eske salaıyq, elimizde Uber, InDrive jáne IаndeksGo servısteri óte tanymal. Aıtpaqshy, sońǵysynyń baǵany negizsiz kóterýine baılanysty daý áli aıaqtalǵan joq. «Iаndeks.Taksı» úlesi Almaty qalasy boıynsha 2020 jyly – 83,78 paıyz, 2021 jyly – 84,34 paıyz, 2022 jyldyń birinshi jartyjyldyǵynda 95,3 paıyzdy quraǵan. Astana qalasy boıynsha 2020 jyly úlesi – 60,7 paıyz, 2021 jyly – 67,3 paıyz.
«Iаndeks.Taksıdiń» búgingi jaǵdaıy onyń 2 jyl nemese odan da kóp ýaqyt ishinde turaqty ósýin kórsetedi. Bul naryqtaǵy jalpy jaǵdaıdy baqylaýǵa jáne aıtarlyqtaı áser etýge múmkindik beredi. «Iаndeks.Taksı» komıssııasy qosymsha qun salyǵy esebimen 17 paıyzdy quraıdy. Bul rette «Iаndeks.Taksı» básekelesiniń eń joǵary naryqtaǵy komıssııasy – 12,5 paıyz. Sondyqtan «Iаndeks.Taksı» komıssııasy naryqtaǵy eń joǵarǵy kórsetkishten 36 paıyzǵa kóp. Budan bólek, «Iаndeks.Taksıden» basqa júrgizýshilerden 4 paıyzdan turatyn komıssııany seriktes taksoparkteri de alady. Al bul Qazaqstan Respýblıkasynda jol júrý qunynyń jalpy qymbattaýyna ákelip soǵady», dep málimdegen edi Básekelestikti qorǵaý jáne damytý agenttiginiń ókilderi.
2022 jyly 29 jeltoqsanda Almaty qalasynyń mamandandyrylǵan aýdanaralyq ákimshilik soty Básekelestikti qorǵaý jáne damytý agenttiginiń Almaty qalasy boıynsha departamenti shyǵarǵan buıryqtyń kúshin ishinara joıý týraly sheshimin shyǵardy. Negizgi sebep – tergeýge deıin 2022 jylǵy taldaýdyń bolmaýy. Sot «Iаndeks.Taksı» tarapynan zańnamany buzý belgileri baryn rastalǵanyn keltirip, ýákiletti organ tıisti taldaý júrgizilgennen keıin 2022 jylǵy qyzmeti úshin tergeý ashýǵa quqyly dedi. Osyǵan baılanysty monopolııaǵa qarsy organnyń tergeýi jalǵasatyn bolady. Búgingi tańda Básekelestikti qorǵaý jáne damytý agenttigi «Iаndeks.Taksıdiń» 2022 jyly monopolııalyq joǵary baǵalardy belgileý turǵysynan áreketterin taldaýda.
Osy rette «Iаndeks.Taksıge» qatysty tergeýdi bastaýǵa klıentterdiń kompanııa belgilegen joǵary baǵaǵa, al júrgizýshilerdiń komıssııa kólemimen kelispeıtindikteri týraly kóptegen shaǵym negiz bolǵanyn eske salý qajet.