Burynǵy et kombınatyn iske jarataıyq

Jobanyń quny da qomaq­ty. Shamamen 18 mlrd teńgeni quraıdy. Kombınat iske qosylatyn bolsa, 200-den astam jańa jumys orny ashylady. Kombınatta jospar boıyn­sha maldy soıýdan bastap ónimdi eksportqa shyǵarýǵa deıingi sıkl júzege asady. Bul joba et ónimderin eksporttaýmen qatar, ishki naryqty da qamtamasyz etýge múmkindik beredi.

Abaı oblystyq kásipkerlik jáne ındýstrııalyq-ınnova­sııalyq damý basqarma­synyń basshysy Rústem Voroshılovtyń aıtýynsha, júrgizilip jatqan jumystardyń basym bóligi ınvestısııa tartýǵa baǵyttalǵan. Et kombınaty jobasy – osyndaı iri jobalardyń biri.

«Semeı qalasynyń aýmaǵynda «О́ndiris» ındýstrıaldy aımaǵy bar. Zańnamaǵa sáıkes, mundaı aımaqtarda ekonomıkanyń basym sektorlarynyń óńdeýshi kásiporyndary qurylady. Atalǵan sektorlar ulttyq jobalar aıasynda sýbsıdııalaý arqyly qarjylandyrylady. Investorlarǵa jumysymyzdy kórsetý úshin jańa kásiporyndar qurý mindetin alǵa qoıyp otyrmyz. Máselen, ótken jyldyń qarasha aıynda oblys ákimi Nurlan Uranhaev Orynborda ótken Qazaqstan men Reseıdiń О́ńiraralyq yntymaqtastyq forýmyna qatysyp, memo­randýmdarǵa qol qoıdy. Osy­laısha, óńirge ınvestorlardy tartýǵa qajetti qadamdar jalǵa­sýda», deıdi R.Voroshılov.

Álbette, jańasy jaqsy ǵoı. Biraq eskisin de esten shyǵarmaǵan jón sııaqty. Semeıde keńestik kezeńde ataǵy alysqa ketken iri kásiporyn­dar­dyń biri sanalǵan et kombınaty qazir qańyrap tur deýge bolady. Kásiporynnyń tolyq qýatynda jumys isteýin toqtatqaly qashan... Keteýi de ketip-aq tur. Toqyraý jyldary talan-tarajǵa tústi. Ustaǵan­nyń qolynda, tistegenniń aýzyn­da ket­ti. 2000 jyldary kásip­oryn jumy­sy jandana bas­tap edi. О́kinish­ke qaraı, ol da uzaq­qa barmady. Budan keıin ju­mysy toqtap, turalap qal­ǵan kom­bınatqa kimder ıelik etpe­di. In­ves­tısııa da tartyldy, bank­rotqa da ushyrady. Otyz jyl­ǵa jýyq ýa­qyt­­ta otyzǵa jýyq bas­shy­lyq aýys­ty. Ázirge ǵıma­rat­tary qańyrap, qabyr­ǵalary qaqy­rap, qaraýsyz tur. Ob­lys­tyń at­qa­rýshy bıligi buǵan da na­zar aýdaryp qoısa jaqsy bolar edi.

Erzat JANATULY,

jýrnalıst     

SEMEI