Ortalyq saılaý komıssııasyna A.Ábildaevtyń depýtattyq mandatyn toqtatý týraly hat joldandy, dep habarlaıdy Egemen.kz.
Búgin Astanada «Aq jol» demokratııalyq partııasy Ulttyq keńesiniń plenýmy ótti.
Partııa tóraǵasy Azat Perýashevtyń tóraǵalyǵymen ótken jıynda Májilis depýtaty A.Ábildaevtyń jýrnalıstke bergen suhbatynda Ýkraınadaǵy soǵys týraly aıtqan pikirleri saralanyp, tıisti saıası baǵa berildi.
Ulttyq keńes músheleri A.Ábildaevtyń sózderi «Aq jol» partııasynyń pozısııasyna qarama-qaıshy jáne sonymen qatar partııalyq, sondaı-aq depýtattyq etıkany da buzyp turǵanyna basa nazar aýdardy.
«Keshe partııa prezıdıýmy habarlaǵandaı, «Aq jol» partııasy qashan da Respýblıkamyzdyń jáne basqa da dos memleketterdiń táýelsizdigi men jer tutastyǵyn qurmetteıdi jáne qoldaıdy», dep jazylǵan «Aq jol» demokratııalyq partııasynyń baspasóz qyzmeti taratqan habarlamada.