2022 jyly memlekettik eńbek ınspektorlary 20,2 myńnan astam jumyskerdiń quqyǵyn qorǵady, dep habarlaıdy Egemen.kz.
2022 jyldyń qorytyndysy boıynsha memlekettik eńbek ınspektorlary respýblıkanyń 914 kásipornynda 21,7 myń jumyskerge 5,3 mlrd teńgeden astam somaǵa jalaqy boıynsha bereshekti anyqtady
«Kásiporyndardyń basshylaryna oryndalýy mindetti 881 nusqama berilip, 144,6 mln teńgeden astam somaǵa aıyppul salyndy. Qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 20,2 myńnan astam jumyskerdiń quqyǵy qorǵaldy. Olarǵa 5,2 mlrd teńge tólendi», delingen Eńbek jáne halyqty áleýmettik qorǵaý mınıstrliginiń baspasóz qyzmetiniń habarlamasynda.