Álibek Qýantyrov Túrki ınvestısııalyq qorynyń prezıdenti Baǵdad Ámireevpen mańyzdy kezdesý ótkizdi, dep habarlaıdy Egemen.kz.
Kezdesý barysynda Túrki ınvestısııalyq qoryn qurý týraly kelisim jobasyn iske asyrý barysy talqylandy.
Ulttyq ekonomıka mınıstri Álibek Qýantyrov atap ótkendeı, Qordyń jumysyn tezirek iske qosý Túrki memleketteri uıymyna múshe eldermen ınvestısııalyq yntymaqtastyqty tereńdetýge múmkindik beredi.
Kezdesý nátıjesinde eki tarap negizgi baǵyttar boıynsha yntymaqtastyqty jandandyrýǵa kelisti.
Aıta keteıik, 2022 jyldyń qarasha aıynda Samarqandta ótken Túrki memleketteri uıymynyń sammıtinde Túrki ınvestısııalyq qoryn qurý týraly arnaıy sheshim qabyldanyp, Baǵdad Ámireev Qordyń prezıdenti bolyp taǵaıyndalǵan edi.
Gúlshahra SANSYZBAI