«Aýyl» halyqtyq-demokratııalyq patrıottyq partııasynyń tóraǵasy Álı Bektaev málimdeme jasady, dep habarlaıdy Egemen.kz.
Jýyrda Prezıdent Qasym-Jomart Toqaev jetinshi saılanǵan QR Parlamentiniń Májilisin taratyp, 2023 jylǵy 19 naýryzǵa QR Parlamenti Májilisi depýtattarynyń kezekten tys saılaýyn taǵaıyndaǵany belgili boldy. Osyǵan baılanysty «Aýyl» halyqtyq-demokratııalyq patrıottyq partııasynyń tóraǵasy Álı Bektaev resmı málimdeme jasady.
- «Aýyl» halyqtyq-demokratııalyq patrıottyq partııasy óz qatarynda tek aýyl sharýashylyǵy qyzmetkerlerin ǵana emes, jalpy aýylǵa janashyr azamattardyń kópshiligin biriktiredi. Bizdiń qatarymyzda agrarly sektor, bilim jáne medısına, áleýmettik sala qyzmetkerleri, ǵalymdar men zııaly qaýym ókilderi bar», - dedi Álı Bektaev.
Qazaqstan azamattarynyń jartysyna jýyǵy aýylda turady. Partııa tóraǵasynyń aıtýynsha, aýyldy aýmaqtardy damytý, aýyl sharýashylyǵyn órkendetý memleketimizdiń azyq-túlik qaýipsizdiginiń negizi bolyp esepteledi.
«Bul - bizdiń partııanyń bastapqy jáne ózgermeıtin saıası baǵyty. Sondyqtan «Aýyl» partııasy parlamenttiń tómengi palatasy men máslıhattarǵa saılaý ótkizýdi quptaıdy. Biz Qazaqstanda partııalyq óristiń keńeıgeni men saıası kúshter arasyndaǵy básekelestiktiń damyp kele jatqandyǵyn kórip otyrmyz. Bul bizdi qorqytpaıdy, kerisinshe, yntalandyrady. Sebebi bizdiń ózimizdiń saıası platformamyz bar. «Aýyl» partııasynyń aýyl jáne aýyldy aýmaqtardy damytý konsepsııasyna qosatyn óziniń usynystary bar. Sondyqtan biz jańa saılaý sıklinde adal jáne ashyq kúreske daıynbyz», dedi partııa tóraǵasy.