Búgin Ekibastuzda jylýmen jabdyqtaý jelilerindegi zaqymdardy joıý boıynsha jumystar josparlanǵan. Jóndeý kezinde 65 turǵyn úı, onyń ishinde 4 kópqabatty úı jylýdan ajyratylady, dep habarlaıdy Egemen.kz.
Qala ákimdiginiń málimetinshe, Marǵulan, 1, Máshhúr Júsip, 58/1, Áýezov, 61/1, Moldaǵulova jáne Shyǵys ótkelderi, 12-jelilik ótkel, Shevchenko, 30, Ońtústik ótkel, 8 kósheleri boıynsha jylýmen jabdyqtaý jelileriniń aqaýly ýchaskeleri aýystyrylady.
Turǵyn úılerdegi jylýmen jabdyqtaýdy óshirý 3-ten 8 saǵatqa deıin sozylady. Jóndeý jumystaryna 37 adam men 5 arnaıy tehnıka jumyldyrylady.
«Barlyq jóndeý jumystary aıaqtalǵannan keıin jylýmen jabdyqtaý qalpyna keltiriledi», delingen habarlamada.
Buryn habarlanǵandaı, qalanyń jylý jelilerinde 131 zaqym joıyldy, qalǵan 23-i aldaǵy 10 kúnde joıylady dep kútiledi.