2022 jyldyń qorytyndysy boıynsha memlekettik eńbek ınspektorlary respýblıkanyń 914 kásipornynda 21,7 myń jumyskerge 5,3 mlrd teńgeden astam somaǵa jalaqy boıynsha bereshekti anyqtady, dep habarlaıdy Egemen.kz Eńbek jáne halyqty áleýmettik qorǵaý mınıstrligine silteme jasap.
Jumyskerlerge bereshegi bar kásiporyndardyń basshylaryna oryndalýy mindetti 881 nusqama berilip, 144,6 mln teńgeden astam somaǵa aıyppul salyndy.
Qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 20,2 myńnan astam jumyskerdiń quqyǵy qorǵalyp, olarǵa 5,2 mlrd teńge tólendi.