Prezıdent Qasym-Jomart Toqaevtyń Jarlyǵymen jetinshi saılanǵan Parlament Májilisi taratylyp, 19 naýryzǵa kezekten tys saılaý taǵaıyndaldy. Bul rette «Baıtaq» partııasy aldaǵy saýlaýǵa qatysty málimdeme jasady, dep habarlaıdy Egemen.kz.
Azamathan Ámirtaı óziniń Facebook paraqshasynda «Baıtaq» partııasy aldaǵy saılaýǵa qatysatynyn málimdedi.
«Jańa Qazaqstanǵa jańa depýtattarmen, jańa partııalardyń saıasatqa aralasýymen barǵan jón. Durys qadam! Aldaǵy saılaý burynǵylardan ózgerek. Qazirgi jaǵdaıǵa baılanysty, aldaǵy saılaý aralas partııalyq-majorıtarlyq júıe boıynsha ótpek. Sondaı-aq Qazaqstan halyq assambleıasy Májiliske depýtattar usynbaıdy. Osy oraıda, biz de osy alaman básekede óz baǵymyzdy synap, Parlamentke ótýge tyryspaqpyz. Ras, elimizde ekologııa máselesi aqsap jatyr. Jaǵdaı syn kótermeıdi. Sondyqtan túıini mol ekologııa máselelerin Parlament minberinen kótermek oıdamyz», dep jazdy partııa tóraǵasy.