Elordadaǵy «Han Shatyr» saýda oıyn-saýyq ortalyǵynda «Qazaqstan» ulttyq arnasynyń uıymdastyrýymen «Ǵajaıyp sát-2014» jobasy bastaldy. Astana jurtshylyǵyna etene bop úlgergen bul dúbirli doda bıyl 5-shi ret ótkizilýde. Atalmysh sharanyń uıymdastyrýshysy Qazaqstan ulttyq arnasy bolsa, qoldaýshysy «Han Shatyr» saýda oıyn-saýyq ortalyǵynyń marketıng bólimi. Jyl saıyn mamyr aıynda osy qyzý saıysty ótkizý qazir dástúrge aınalǵan.
«Ǵajaıyp sát-2014» áýesqoılar saıysynyń kózdegen maqsaty bireý ǵana. Tasada júrgen óner ıeleriniń baǵyn ashyp, olardyń ónerlerin qalyń jurtshylyqqa nasıhattaý. Eń bastysy, shara sharty da óte qarapaıym, ıaǵnı, berilgen 1 mınýt ýaqyt kóleminde úmitkerlerdiń án salýǵa, bı bıleýge onymen qosa túrli aspaptarda oınaýǵa múmkindigi bar. Talantymen bólisken jannyń qabiletine odan ári baǵa beretin – halyq. Naqtyraq aıtsaq, arnaıy túsirilgen vıdeo YOUTUBE portaly arqyly kórermenge jol tartady. Eń kóp daýys jınaǵan qatysýshy jeńimpaz atanady. Jyl saıyn mamyr men shilde arasynda ótkizilip turatyn bul saıystyń jeńimpazdaryna beriletin syılyqtar da jyl saıyn ózgerip otyrady. Máselen, byltyrǵy jyly 1-orynǵa Túrkııaǵa joldama, 2-orynǵa IPAD, 3-orynǵa iphone5 berilgen bolatyn. Bul jolǵy syılyqtar ózgesheleý. Bas júlde ıegerlerine Grekııaǵa joldama, 2-oryn ıemdenýshilerine «RIXOS Býrabaı» qonaq úıine demalyp kaıtýǵa múmkindik berilse, al 3-orynǵa 100 myń teńge kólemindegi sertıfıkat tabystalǵaly otyr.
Rábııa KERIMBAI.