Taraz qalasynda Halyq ártisi Asanáli Áshimov atyndaǵy óner ortalyǵy salynady. Atalǵan ortalyq óńir rýhanııatyn nasıhattaýdaǵy birden-bir mańyzdy nysanǵa aınalmaq. Jańa nysannyń jón-jobasyn zerdeleý maqsatynda abyz aqsaqal kóne shaharǵa arnaıy at basyn burdy.
Kezdesý barysynda Taraz qalasynyń ákimi Baqytjan Orynbekov Asanáli Áshimovti jańadan boı kóteretin óner ortalyǵynyń eskızdik jobasymen jan-jaqty tanystyrdy. О́z kezeginde A.Áshimov ortalyqqa qatysty kókeıdegi usynystaryn ortaǵa saldy.
B.Orynbekovtiń aıtýynsha, nysannyń qurylys jumystary naýryz aıynda bastalady. О́ner ortalyǵynyń jalpy aýmaǵy 834 sharshy metrdi quramaq. Ekiqabatty ǵımaratta teatr, kıno, horeografııa sekildi ózge de úıirmeler jumys isteıdi. Osylaısha, jergilikti jastardy ónerge baýlý kózdelip otyr.
Budan bólek, Asanáli Áshimov atyndaǵy mýzeı de atalǵan ǵımaratqa kóshiriledi. Qala ákiminiń sózine sensek, ǵımarat Yqylas Dúkenuly atyndaǵy qalalyq mádenıet úıiniń mańynan boı kóteredi. О́ner ortalyǵynyń qasbeti neoklassıkalyq stılde, plıtaly traveterınmen ádiptelmek. Nysan jyl sońyna deıin paıdalanýǵa beriledi.
«О́nerdi qoldaǵan el órge basady. Bul nysan sondaı qoldaýdyń arqasynda salynady. Jambyl jeri – týǵan ólkem. Týǵan jerimde osyndaı ortalyqtyń boı kóteretinine bek qýanyshtymyn. Ortalyq maǵan emes, bolashaqqa qyzmet etedi. Nysannyń jalpy jobasy kóńilimnen shyqty», deıdi Halyq ártisi óz oıymen bólisip.
TARAZ