ASTANA. 13 maýsym. Shetel ınvestorlary keńesiniń kelesi jıyny Shymkentte ótetin boldy. Onda elimizdiń agrobıznes salasyn damytý máseleleri talqylanady. Bul týraly egemen.kz tilshisi habarlady.
Memleket basshysy: «Shetel ınvestorlary keńesiniń 28-shi otyrysynda Qazaqstandaǵy agrobıznesti damytý máselesi qaralady. Arnaıy zertteýler kórsetip bergendeı, azyq-túlikke suranys arta túspek. 2050 jylǵa qaraı adamzat sany 9 mlrd.-ty quraıdy jáne azyq-túlik qajettiligi 2 esege kóbeıedi», – dedi.
Osy oraıda Prezıdent elimizde aýyl sharýashylyǵyna jaramdy jerler kóp ekenine toqtala kele: «Qazaqstanda aýyl sharýashylyǵyna paıdalanýǵa jaraıtyn jer mol, absolıýttik jaıylymdardyń ózi 200 mln. gektar, egistik jerler 45 mln. gektar, al olardyń ónimdiligin tek 30%-ǵa arttyrsaq, biz óndiristiń mol kózine ıe bolamyz. Sondaı-aq, 10 mln. tonna astyq eksporttaımyz», – dedi.
Joldybaı Bazar.
Derekkóz: egemen.kz.
Foto: Tntexpo.kz.