Shtab-páteri Germanııanyń Bonn qalasynda ornalasqan Halyqaralyq fýtbol tarıhy men statıstıka federasııasy (IFFHS) álemniń eń úzdik ishki chempıonattarynyń reıtıngin jarııalady.
Atalǵan uıym bul tizimge 80 memleketti engizgen eken. О́kinishke qaraı, solardyń qatarynda Qazaqstan joq. IFFHS sarapshylarynyń paıymdaýynsha, bizdiń Premer-lıga Zambııa, Albanııa, Grýzııa, BAÁ, Nıkaragýa, Angola, Estonııa, Venesýela, Latvııa, Gvatemala, Ázerbaıjan, Tanzanııa, Sýdan, Kıpr sekildi elderdiń birinshilikterinen de nashar eken. Tipti, О́zbekstannyń ózi jerlesterimizden áldeqaıda joǵary tur. Olar 57-oryndy ıelenýde. Reseıge bul tizimde eń sońǵy 80-oryn buıyrǵan eken.
Al kóshbasshylar jaıynda aıtar bolsaq, birinshi orynda – Brazılııanyń «A» serııasy. Ekinshi orynda – Anglııanyń Premer-lıgasy. Úshinshi satyǵa Ispanııanyń La Lıgasy ornalasty. Sondaı-aq Germanııanyń Býndeslıgasy, Italııanyń «A» serııasy, Fransııanyń 1 lıgasy, Portýgalııanyń «Prımeırasy», Nıderlandtyń «Eredıvızıi», Argentınanyń «Prımerasy» jáne Paragvaıdyń «Profesonal dıvızıony» TOP-10 chempıonattyń qataryna qosyldy.