Búgingi damyǵan zamanda ónertabys álemindegi jańalyqtar tańǵaldyryp jatady. Sondaı tyń dúnıelerdi oılap tapqandardyń qatarynda qazaqtyń da aty atalsa, qýanyp qalamyz. Jaqynda Amanzholov University magıstranty avtomattandyrylǵan qoqys suryptaý keshenin jasap shyǵardy.
Joba boıynsha keshen kún men jel energııasynan jáne jańbyrdan qýat alady. Oǵan qosa arnaıy QR-kod ornatylady. Bul qurylǵyny atalǵan ýnıversıtette «Informatıka» mamandyǵy boıynsha bilim alyp júrgen Dáýletbek Aǵzam qytaılyq joba negizinde jasap shyǵardy. Onyń aıtýynsha, turǵyndar qoqysty jaı ǵana tastamaı, ol úshin aqsha da alady. Iаǵnı ár qoqystyń materıaly, salmaǵyna baılanysty esepshotqa qarjy túsedi. QR-kod qoqys tastaýshyǵa tólem qyzmetin atqarady. Osylaısha paıda tabý arqyly azamattardyń ekologııalyq mádenıetin qalyptastyrý – jobanyń bir maqsaty.
Magıstranttyń jobasy О́skemen qalalyq ákimdigi usynǵan «Taza qala» jobasynan ózgeshe. Dáýletbek Aǵzam tamaq qaldyqtary salynatyn konteınerge arnaıy jeldetý júıesi bar salqyndatqysh ornatyp, jaǵymsyz ıistiń aýaǵa taralýynyń aldyn alady. Jas ónertapqysh bul jobasyn budan ári damytý úshin Qytaıǵa barýdy josparlap otyr. Tek jergilikti atqarýshy organdardyń qoldaýy qajet.
Dáýletbektiń bul jobasy Túrkııadaǵy EXPO halyqaralyq STEM-festıvalinde kópshilik nazaryna usynylyp, salalyq naryq sarapshylarynan joǵary baǵa alǵan edi.