Jýyrda Shymkent qalasyna «Qazaqstan máslıhat depýtattarynyń birlestigi» respýblıkalyq qoǵamdyq birlestiginiń tóraǵasy Tóleýbek Muqashev taban tirep, qoǵamdyq birlestiktiń Prezıdenttiń saılaýaldy baǵdarlamasyn qoldaý jáne júzege asyrý jónindegi úndeýin jarııalaǵan bolatyn. Osy jıynda úshinshi megapolıstegi birqatar belsendi halyq qalaýlylary marapattaldy.
Mine, sol abyroı bıiginen kóringenderdiń qatarynda Shymkent qalasy máslıhatynyń depýtaty Aıjan Naımbekova da bar. Bul esim Bozaryq, Asar, Asar-2 shaǵyn aýdanynyń turǵyndaryna jaqsy tanys. О́ıtkeni Aıjan Izbashanqyzy kúni búginge deıin aty atalǵan aımaqtardaǵy áleýmettiń kúrdeli máselesin máslıhat minberinen kóterip, sheshilýine atsalysyp keledi. Nátıjesinde turǵyndardy tolǵandyrǵan túıtkilderdiń birazy sheshimin tapty.
Halyq qalaýlysy áleýmettik jelide de jurtshylyqpen keri baılanys ornatyp, turǵyndarmen tildesýdi ádetke aınaldyrǵan. Memleket basshysy jarııalaǵan reformalardy da áýelgilerden bolyp tarqatyp, túsindirip, ún qatyp jatatynyn oıy nyq, sanasy sergek oqyrman jaqsy biledi. О́zgeni qoıǵanda, kásipkerlik salanyń qyr-syryn jaqsy biletin jan ınnovasııalyq jobalarǵa beriletin grantqa úmitkerlerdi irikteıtin komıssııaǵa eki jyl qatarynan jetekshilik etti. 2021 jyly halyq qalaýlysynyń ózi 4 kásipkerdi arnaıy qoldap, 20 mln teńge grant alýyna sebepshi boldy. Araǵa jyl salyp, sol kásipkerler memleketke 21 mıllıon teńgeniń salyǵyn tólegen. Mine, osydan-aq memleket qarjysyna degen janashyrlyqtyń jarqyn úlgisin kórýge bolady.