О́tken jyly 125 mıllıon halqy bar Japonııada 800 myńǵa jeter-jetpes sábı dúnıege kelgen. Demografııalyq ósimniń mundaı tómen kórsetkishi buryń sońdy bolmaǵan, dep habarlaıdy Egemen.kz.
Bala týý kórsetkishiniń tómendeýine qatysty másele birshama elderdi alańdatyp otyrǵan jaǵdaı. Ásirese Japonııa memleketinde kúrt tómendeý baıqalǵan. Sońǵy on jyldyń ishinde ortasha ómir súrý uzaqtyǵy ósip, egde adamdar sany edáýir artqan. Bul adamdardyń eńbekke jaramdylyq deńgeıin tómendetip, jumysshylar sanynyń azaıýyna alyp keletinin bildiredi.
Statıstıkalyq málimetke súıensek, Japonııa 65 jastan asqan adamdardyń úlesi boıynsha álemde ekinshi orynda tur. Qazirgi kezde Japon úkimetiniń aldynda «eńbekke qabiletti qoǵam bola alamyz ba, joq pa?» degen saýal tur. Sońǵy jyldary bılik balalarǵa qatysty baǵdarlamalarǵa qarjyny eki ese ulǵaıtqan. Dese de zertteýshilerdiń boljaýynsha, osy ǵasyrdyń aıaǵyna deıin Japon halqynyń sany 126 mıllıonnan 50 mıllıonǵa deıin azaıady.
«Bala týý kórsetkishiniń tómendeýi birqatar faktorlarǵa baılanysty bolyp otyr, sonyń ishinde, qymbatshylyq pen áıelderdiń jumysbastylyǵy basty sebepterdiń biri retinde anyqtaldy», deıdi zertteýshi-jýrnalıst Rýpert Ýıngfıld-Heıs.
Ulttyq statıstıka bıýrosynyń málimetinshe, ótken jyly Qazaqstanda da bala týý kórsetkishi 11 paıyzǵa tómendegen.
Aıtolǵan JÚNISHAN,
L.N.Gýmılev atyndaǵy EUÝ stýdenti