«Quqyqtyq kómek» qanatqaqty jobasynyń zańgerleri Atyraý oblysyna arnaıy baryp, óńir turǵyndaryn tolǵandyrǵan máselelerge qulaq túrdi.
Aıta keteıik, «Quqyqtyq kómek» – «Amanat» partııasynyń muryndyq bolýymen iske qosylǵan joba. Aýyl, aýdanda turatyn qarapaıym halyqtyń quqyǵyn qorǵaıtyn joba sheńberinde belgili quqyq qorǵaýshy Abzal Quspan bastaǵan bir top zańger jaqynda Atyraý oblysynda boldy.
Olar sotta jáne taǵy basqa jaǵdaıda talap-aryz toltyrý, ókilettik etý, ózin qorǵaý máseleleri boıynsha Isataı, Inder, Maqat, Jylyoı aýdandary men Atyraý qalasynda azamattarǵa keńes berdi.
Qabyldaýǵa kelgen azamattardy turǵyn-úıdi jekeshelendirý, jeke sot oryndaýshylarynyń qyzmeti, eńbek daýlary, alıment tólemeý máseleleri tolǵandyrady. Jalpy, zańgerler 100-den astam adam qabyldady.
«Amanat» partııasy qolǵa alǵan jańa joba eń aldymen aýyl turǵyndaryna quqyqtyq kómek kórsetýge arnalyp otyr. Jasyratyny joq, quqyqtyq sıpattaǵy máseleni sheshý kezinde qala turǵyndary kóp múmkindikke ıe. Al aýyl turǵyndarynyń sapaly quqyqtyq kómek alýǵa degen múmkindigi udaıy bola bermeıdi. Sondyqtan bul partııalyq jobanyń máni men mańyzy erekshe», dedi Abzal Quspan.
Ol sondaı-aq atalǵan bastama turǵyndar jıi ushyrasatyn zańdaǵy qarama-qaıshylyqtardy anyqtaýǵa múmkindik beretinin jetkizdi. Máselen, bir top azamat zańgerlerge 2020 jyly Atyraý munaı óńdeý zaýytynda qyzmet etip júrgen kezde zańsyz qysqartýǵa ushyraǵandaryn jetkizdi.
О́z máselesin aıta kelgen turǵynnyń biri uzaq ýaqyt boıy quzyrly organdardyń tabaldyryǵyn tozdyryp júr. Sebebi onyń atyna is júzinde ol ıelik etpeıtin avtokólik resimdelipti.
Bir top áıel páterlerdi jekeshelendirý kezinde paıda bolǵan máseleler boıynsha shaǵym aıtty. Olardyń aıtýynsha, turýǵa jaramsyz eski úıler berilgen. Jalǵa berilgen páterlerde ómir súrý múmkin emes. Al úı ishin óz betinshe qalypqa keltirip, jóndeý jumysyn júrgizý úshin olar osy páterlerdi jekeshelendirgisi keledi.
«Shalǵaıdaǵy eldi meken turǵyndary úshin bul jobanyń paıdasy kóp. Bizge oblys ortalyǵyna baryp, maman izdeýdiń qajeti joq. «Amanat» partııasynyń uıymdastyrýymen bilikti maman bizge ózi kelip, qajetti keńes berdi», dep atap ótti óńir turǵyny Gúlnar Jumaǵulova.
О́z kezeginde, zańgerler árbir ótinishti muqııat qarap, qujattarmen tanysyp, ári qaraı qalaı áreket etý kerek ekeni jóninde keńes berdi.
Kelip túsken saýaldardy eskere otyryp, keleshekte jumysty WhatsApp-taǵy avtomattandyrylǵan chat-bot arqyly onlaın rejimde júrgizý josparlanyp otyr. Bot 2000-nan astam zańger tirkelgen zan.bar mobıldi qosymshasynyń advokattar bazasymen ózara árekettesedi. Sóıtip, partııa sapaly qyzmetterge qol jetkize almaıtyn otandastarymyzdyń quqyǵyn sıfrlandyrýdyń kómegimen qorǵaýdy kózdep otyr.
Atyraý oblysynda qanatqaqty rejimde bastaý alǵan «Amanat» partııasynyń «Quqyqtyq kómek» jobasy elimizdiń barlyq óńirinde jalǵasady.
Atyraý oblysy