2022 jylǵy maýsymnan beri Kıprdiń Reseı Federasııasyndaǵy elshisi bolyp kele jatqan Kıpros Iorgallıs Kıprdiń Qazaqstandaǵy elshisi qyzmetin qosa atqarady, dep habarlaıdy Egemen.kz SIM baspasóz qyzmetine silteme jasap.
Ol 1973 jyly 5 maýsymda dúnıege kelgen. Afına ekonomıkalyq ýnıversıtetin, Sıtı ýnıversıtetin (London) jáne Kıpr ýnıversıtetin bitirgen.
Dıplomatııalyq qyzmetin 2003 jyly Kıpr Respýblıkasy Syrtqy ister mınıstrliginiń attashesi retinde bastady. Kıpr Syrtqy ister mınıstri keńsesiniń meńgerýshisi, SIM Protokol qyzmeti dırektorynyń orynbasary boldy. EO, Reseı jáne Parsy shyǵanaǵy elderimen ekijaqty qatynastar departamentinde jumys istedi.
2015-2019 jyldary Kıprdiń Grekııadaǵy elshisiniń orynbasary qyzmetin atqardy. Ortalyq apparatta Kıpr SIM Eýropa elderimen jáne Taıaý Shyǵys, Parsy shyǵanaǵy jáne Sýbsahar Afrıkasymen ekijaqty qatynastar departamentterin basqardy.