Qaraǵandy oblysynyń polıseıleri Balqash kólindegi reıdtik is-sharalar keshenin júrgizý barysynda eki brakonerdi ustady, dep habarlaıdy Egemen.kz Polisia.kz-ke silteme jasap.
20 qańtarda tabıǵatty qorǵaý polısııasy uıymdasqan qylmysqa qarsy kúres basqarmasynyń qyzmetkerlerimen, Qaraǵandy oblysy PD, Balqash qalasy PB arnaıy qyzmetteriniń jaýyngerlerimen jáne Balqash balyq ınspeksııasynyń mamandarymen birlesip, kól jaǵasynda eki balyqshyny ustady. Balyqshylardyń árqaısysynda balyq sómkeleri men tyıym salynǵan quraldary bolǵan.
Jambyl oblysynyń 34 jastaǵy turǵynynan 57 kelige jýyq túrli balyq jáne 300 metr tyıym salynǵan balyq aýlaý tory, 31 jastaǵy jergilikti turǵynnan 78 keliden astam balyq jáne 200 metr tor tárkilendi. Janýarlar álemine keltirilgen zalal somasy 739 myń teńgeni qurady.
Zańsyz balyq aýlaý faktileri boıynsha QR QK 335-babynyń birinshi bóligi boıynsha sotqa deıingi tergeý bastaldy.