Tennısten Melbýrnde ótip jatqan Aýstralııanyń ashyq birinshiliginde Qazaqstannyń birinshi raketkasy Elena Rybakına Latvııanyń myqtysy Elena Ostapenkomen kúsh synasty.
1997 jyldyń jazynda Rıgada dúnıege kelgen Elena da osal oıynshylardyń sanatynan emes. Bul kúnderi WTA tiziminde 17-orynda turǵan ol kezinde TOP-5 tennısshiniń qataryna erkin engen edi. 2017 jyly Ostapenko Rolan Garrosta qarsylas shaq keltirmeı, 2018 jyly Ýımbldonnyń jartylaı fınalyna deıin jetti. WTA týrnırlerinde 11 ret top jardy. Al bul básekede Qazaqstannyń tennısshisi taǵy da ózin jaqsy qyrynan kórsetti. Ol qarsylasynan barlyq jaǵynan basym bolyp, 6:2, 6:4 esebimen jeńiske jetti. Jartylaı fınalda Elena amerıkalyq Djessıka Pegýlany jeńgen belarýstik Vıktorııa Azarenkomen kúsh synasady.
Áıelder arasyndaǵy ózge shırek fınaldyq saıystarda myna tennısshiler ózara sheberlik baıqasady: Karolına Plıshkova (Chehııa) – Magda Lınett (Polsha) jáne Arına Sobolenko (Belarýs) – Donna Vekıch (Horvatııa).