Keńeıgen startap baǵdarlamalary

Eske salsaq, byltyr Sıfrlyq damý, ınnovasııalar jáne aero­ǵa­rysh ónerkásibi mınıstr­li­giniń qoldaýymen Astana Hub Ortalyq Azııadaǵy Google for Startups baǵdarlamasynyń alǵash­qy seriktesi boldy. Silkway Accelerator birlesken baǵdar­la­ma­synyń birinshi legi byltyrǵy shil­dede, ekinshi legi qyrkúıek aıyn­da bastalǵan bolatyn.

– Google for Startups-pen ynty­maqtastyqtyń arqasynda Orta­lyq Azııadan, Ázerbaıjan jáne Mońǵolııadan 25 úzdik startap jahandyq naryqqa shyǵyp, akselerator kezinde qarqyndy damydy. Barlyq kompanııanyń aı saıynǵy tabysy orta eseppen eki esege artty. Google for Startups-pen seriktestigimiz qı­syn­dy jalǵasyn tapty. Qazir baǵ­darlamaǵa ótinimder qabyldap jatyrmyz. Bıylǵy jańalyq -– Google for Startups baǵdarlamasy Grýzııany qosý arqyly baǵdar­la­ma­nyń qamtý aımaǵyn keńeıtti. Endi osy eldiń startaptary da bizdiń akseleratorǵa qatysa alady, – dedi Astana Hub bas dırektory Maǵjan Mádıev.

О́tken jyly baǵdarlamaǵa 567 tehnologııalyq joba bo­ıynsha ótinim túsken. Olardyń 30-y irikteýden sátti ótip, al 25-i baǵdarlama barysynda ta­bys­­taryn arttyryp, jańa na­ryq­tarǵa shyqty. Mysaly, Citix aqparattyq-navıgasııalyq jú­ıe­si Túrkııa men Birikken Arab Ámirlikteriniń naryǵyna baǵyt aldy. Zypl.ai startapynyń negizin qalaýshylar eki jańa naryqta satylymdaryn keńeıtip, qunyn 6 mln dollardan 10 mln dollarǵa ulǵaıtty. CTOgram jobasy 230 myń belsendi avtokólik ıeleri men 2 myńnan astam jóndeý sheberhanasyn qamtydy. Fibo.cloud kompanııasy aı saıynǵy kirisin 22 esege, Metatesk bilim berý plat­for­masy 4 myń dollardan 18 myń dollarǵa ósirdi, al Planet9 neobankiniń satylymy 0-den 70 myń dollarǵa artty. Zan.bar eýropalyq naryqqa shyǵyp, óz ónimin Ulybrıtanııadaǵy 12 bankpen ıntegrasııalady.

Silkway Accelerator-dyń úshin­shi legi 2023 jyldyń 20 naý­ry­zynda bastalady. Bul joly da oqý Astanada offlaın format­ta tegin ótedi jáne úsh aıǵa sozy­lady. Qazaqstan, Qyr­ǵyz­stan, О́zbekstan, Ázerbaıjan, Mońǵolııa, Tájikstan, Túrki­men­stan jáne Grýzııa elderiniń Product/Market Fit, Scale keze­ńin­de­gi IT-startaptarynan ótinimder 17 aqpanǵa deıin qabyldanady. Qatysýshylar Google-dyń úzdik sarapshylary, Astana Hub-tyń tájirıbeli trekerleri men mentorlarynan tálim alyp, sheberlik sabaqtaryna, sondaı-aq PR qol­daýǵa ıe bolady. Úshinshi lek­tiń nátıjesine oraı Demo Day uıymdastyrylyp, startaptar jergilikti jáne sheteldik ınves­tor­larǵa óz jobalaryn tanys­tyrady. Sonymen qatar Astana Hub qatysýshylarǵa jab­dyq­tal­ǵan bas­pana men jumys ornyn usynady. Olar bıznes-pro­ses­terdi durys júr­gizip, tıim­di seriktestik qurý­dy, joba aýqy­myn keńeıtip, ınvestısııa tartýdy úırenedi.

– Bastapqyda bul jaı ǵana star­taptarǵa arnalǵan kezekti qa­ra­paıym baǵdarlama dep oı­ladym. Biraq qazir ony eń jaq­sy baǵdarlama dep sanaımyn. Biz belsendirek, biraq sonymen birge barynsha oılasyp áreket ete bastadyq. Damýdy jedeldetetin jańa bıznes qadamdar izdestirdik. Atap aıtqanda, Amerıka, Kanada jáne Aýstralııa naryqtarynda belsendiligimiz artty, – dep  áseri­men bólisti Smoothly LTD bas dırektory Erjan Asanov.

Onyń uıqyny jaıly etetin Smoothly mobıldi qosymshasy «Densaýlyq jáne fıtnes» sanaty boıynsha Kanada men Aýstra­lııa­daǵy App Store-dyń 100 úzdik qoldanbasynyń tizimine enip, 30 myń­nan asa júktelgen.

Google for Startups – 2011 jyly Google korporasııasy iske qos­qan startap baǵdarlamasy. Ol 125 eldegi 50-den astam kovorkıng pen akseleratordan tu­rady jáne tehnologııalyq ká­sip­kerler úshin praktıkalyq sa­baq­tar usynady.